It(em) also ande(re)n wilen stoot es gevalle(n) tussce(n) janne cuype d(er) stad cnape/ va(n) loeven(e) die na de(n) rechte d(er) selv(er) stad beleit es tot de(n) goede(n) jans/ wilen de vijt in deen zijde pete(re)n en(de) henr(ic) de vijt gebruede(re)n kinde(re)n/ des voirs(creven) wile(n) jans met janne moens hare(n) zwag(er) ter ande(re) vande(n)/ goede(n) gebleve(n) na de doot des voirs(creven) wile(n) jans en(de) zeke(re) minlike dage/ tussce(n) de voirs(creven) p(ar)tien te(n) bijwese(n) claes de kersmake(re) borg(er)meest(er)s/ en(de) ande(re)n mage(n) en(de) vriende(n) van beyde(n) zijde(n) sijn gehoude(n) nochta(n) en/ heeft me(n) de selve p(ar)tien niet conne(n) v(er)lijke(n) so hebbe(n) op hede(n) jouffr(ouwe)/ magr(iete) va(n)de(n) bossche weduwe des selfs jans en(de) de voirs(creven) gebruede(re)n
//
v(er)gadert geweest en(de) voirt tot minlike(n) dage(n) tussce(n) hen tot mechlen/ oft eld(er) gehoude(n) te werde(n) geconsenteert en(de) te(n) ut(er)ste(n) d(aer) toe van/ heden in xiiii nachte(n) na noene te verstane op dat me(n)se moege/ v(er)liken en(de) oft des niet en gesciet hebben zij voir de(n) burg(er)meest(er)/ voirs(creven) inde(n) name vander stad dach genome(n) des ande(re)n daighs/ te wete(n) va(n) morge(n) in xiiii nachte(n) int recht voir meye(r) en(de)/ scepen(en) van loeven(e) jege(n) malcande(re)n te come(n) also sij morge(n)/ gedaen soude(n) hebbe(n) maii xxix