Vande(n) gedinge dat voir meye(r) en(de) scepen(en) va(n) loeven(en) geweest / es tusscen janne sone pet(er)s wilen henrion van nyel s(in)t m(ar)tin die/ na de(n) rechte d(er) stad va(n) loeven(en) geleidt es tot de(n) goede(n) diericx wile(n)/ de me in deen zijde en(de) janne gehete(n) grant jehan de me sone/ des voirs(creven) wilen diericx in dande(re) alse van seke(re)n goede(n) in de/ p(ro)chie van couroit va(n) sombref en(de) van gheete gelege(n) hier na/ genoemt te wete(n) i dach(mael) lants gelege(n) inde p(ro)chie va(n) nyel s(int)/ m(ar)tin tussce(n) alart m(ar)chant en(de) willem(me) del croux It(em) i(½) dach(mael)/ lants gelege(n) ald(aer) tussce(n) alarde voirs(creven) en(de) tcloester van ge(m)blours
//
It(em) iii dach(mael) lants gelege(n) ald(aer) tussce(n) de erfgename(n) jans del m(ar)celle/ en(de) jans du pont It(em) i(½) dach(mael) lants gelege(n) ald(aer) t(er) plaetse(n) geheten/ francq coture tusscen tgoidsh(uys) de salasines en(de) jans de libertsart/ It(em) i dach(mael) lants gelege(n) ald(aer) ter plaetsen gehete(n) a fosse mahie/ neve(n) de goede jans corbaix in beyde(n) zijden It(em) tderdel va(n) i dach(mael)/ lants gelege(n) d(aer) neve(n) bij de goede jans del m(ar)celle in beyden zij(den)/ It(em) i dach(mael) lants gelege(n) ald(aer) ter plaetsen gehete(n) a pre de/ jauche tussce(n) de(n) goede(n) des goidsh(uys) van ge(m)blours et jans del m(ar)celle/ It(em) i dach(mael) lants gelege(n) ald(aer) tussce(n) den goeden jans del m(ar)celle/ voirs(creven) en(de) tcloest(er) va(n) salasines It(em) (½) dach(mael) lants gelege(n) aen/ de(n) wech gaende van nyel s(in)t m(ar)tin te corbaix w(ar)t tusscen/ alar m(er)chant in beyde(n) zijde(n) It(em) (½) boend(er) lants gelegen t(er) plaets(en)/ gehete(n) a t(er)bosart tusscen den goeden des cloest(er)s van salasines en(de)/ sohir pauwaige welke goede voirs(creven) de voirs(creven) jan henrion die gel(eit) es/ bekinde datse janne de me gehete(n) le g(ra)nt jehan volge(n) soude(n) te(n) da(ge)/ als daensprake gesciedt soude hebbe(n) mair na dat de p(ar)tie voirs(creven) vand(en)/ goede(n) hier na genoemt te wete(n) i boend(er) lants gelege(n) inde p(ro)chie va(n)/ couroit t(er) plaetse(n) geheten en vail neve(n) de goede alarts m(ar)chant It(em)/(½) boend(er) lants gelege(n) inde p(ro)chie va(n) nyel s(in)t m(ar)tin ter plaetse(n) gehete(n)/ a hibopreit tussce(n) de goede colar wilen gosseal en(de) de(n) goeden van/ mostier sur chambre It(em) de helicht va(n) (½) dach(mael) lants gelege(n) te cour(oit)/ neve(n) den goede(n) des goidsh(uys) va(n) salasines It(em) lxxx roede(n) lants gel(egen)/ te nyel s(in)t m(ar)tin ter plaetse(n) gehete(n) a loirnoit tussce(n) de(n) goede(n) va(n)/ salasines en(de) des jonch(e)r(e)n van gheete tot hare(n) thoenisse(n) in wed(er)zijden/ gewijst ware(n) en(de) het qua(m) opde(n) dach va(n) thoene(n) en(de) thoende de voirs(creven) j(an)/ de me die aenlegg(er) was een noch gheen des hij hem om de selve goe(de)/ te wy(n)ne(n) v(er)mete(n) hadde nochta(n) kinde he(m) de voirs(creven) geleide also hij vo(er)/ gedaen hadde de goede inde yerste cedule begrepe(n) peyslijc sond(er)/ stoet te late(n) volge(n) en(de) de voirs(creven) jan de me om dat hij zijns v(er)meets/ niet volcome(n) en conde kinde den voirs(creven) geleide de goede inde cedule/ hier lest geregistreert die d(aer) op vo(n)nisse in beyde(n) zijde(n) begh(er)de(n) (ende)/ was gewijst dat elke(n) vande(n) voirs(creven) p(ar)tien volge(n) soude(n) de goede/ die zij malcandere(n) gekindt hadde(n) en(de) all w(ar)t datme(n) bevonde/ dat in dierste [de grote] cedule e(n)nige goede stonde(n) inde cleyne genoemt/ die quaet te specificere(n) waren dat d(aer) inne de voirs(creven) geleyde/ niet gescapen sijn en sal p(rese)ntib(us) py(n)noc py(n)noc witte/ wynge willem(air) hortbeke oct(obris) xvii