Cond zij allen lieden dat henric vanden campe in p(rese)ncia heeft/ genome(n) en(de) bekindt dat hij genome(n) heeft van gorde roelants/ sijn hof gehete(n) thoff te noyenbeke met wynnen(de) lande beemde(n) eeussele(n)/ en(de) alle(n) sijne(n) toebehoirte(n) te houde(n) te hebbe(n) en(de) te wy(n)ne(n) van/ halfm(er)te lestlede(n) eene(n) t(er)mijn van xii jare(n) lang deen na dand(er) sond(er)/ middel volgen(de) elx jaers darenbinne(n) te wete(n) de voirs(creven) wynnen(de) lande/ om xxix mudde en(de) xi(½) mol(evate) rocx goet en(de) payabel d(er) mate(n) van/ loeven(en) met wanne ende met veede(re)n wael bereyt alle jae(re) ts(in)te andr(ies)/ misse te betale(n) en(de) te loeven(en) te leve(re)n den voirs(creven) t(er)mijn dueren(de) ende/ telke(n) t(er)mijne als v(er)volchde schout ende de voirs(creven) beemde ende/ eeussele voe(r) en(de) om xxxvi clincarde te xiiii stuv(er)s stuc [aut valore eor(un)d(em)] alle jae(re)/ te sinte m(er)tensmisse te bet(alen) q(u)[o]l(ibet) ass(ecutu)[m] Item es vorwerde dat/ de voirs(creven) wynne alle jae(re) de(n) voirs(creven) t(er)mijn due(re)nde binne(n) de(n) voirs(creven) hove/ leve(re)n sal xl busselen walme(re) om de huyse ald(aer) mede te decken(en)/ en(de) alsme(n) ald(aer) dect so sal die wynne de(n) wercliede(n) de(n) montcost/ geve(n) en(de) de voirs(creven) gordt sal de dachue(re)n betale(n) en(de) waert/ also dats noot wae(re) de huyse te decken en(de) de voirs(creven) gord walm/ cochte oft dat de [voirs(creven)] gord aen de voirs(creven) huyse dede plecke(n) ty(m)mere(n)/ oft metsen van oude(n) wercke dan sal de voirs(creven) wy(n)ne de(n) w(er)cliede(n)/ den montcost geve(n) en(de) de voirs(creven) gordt de dachue(re)n betale(n)/ des sal de voirs(creven) wynne met sijne(n) wage(n) en(de) p(er)de(n) hale(n) en(de) vuere(n)/ dat d(aer) toe behoeven sal en(de) d(aer)me(n) hem dat bewijsen sal It(em) sal de/ voirs(creven) wynne de huysinge vande(n) voirs(creven) hove de(n) voirs(creven) t(er)mijn dueren(de)/ houden op sijne(n) cost wel en(de) loflijc vand(er) onderster rijkelen ned(er)wert/ It(em) sal de voirs(creven) wynne alle jare halen op de lande vande(n) voirs(creven)/ hove viii voeder m(er)ghels met iii p(er)de(n) en(de) hij sal de voirs(creven)/ lande wel en(de) loflijc wynne(n) en(de) werve(n) gelijc sijne(n) reengenote(n)/ en(de) de selve telke(n) wynt(er)coirne [arde] ov(er)mesten en(de) hij sal op dlant/ moegen hoervruchte(n) tot de(n) leste(n) drie jare(n) It(em) sal de voirs(creven)/ wynne alle die lande te(n) lesten drie jare(n) vand(en) voirs(creven) t(er)mijne/ late(n) gelijc hij die vandt te zijne(n) aencome(n) te weten de(n)/ wynt(er) art besayt op iiii getidege vore(n) d(aer) af ii de ii boender/ met tarwe(n) ende dand(ere) met rogge bezaeyt de storte al eens/ o(m)megedaen en(de) de brake geheel late(n) It(em) sal de voirs(creven) wy(n)ne te(n)/ afsceyde(n) van sijne(n) voirs(creven) t(er)mijne alle dmest uut de(n) voirs(creven) hove/ vuere(n) dat tot lechtmisse gemaect sal zijn op dlant tslants meeste(n)
//
profite en(de) d(aer) na niet meer It(em) sal de voirs(creven) wyn moege(n) breken/ ende zaegen de eeusselen tot den leste(n) ii jaren va(n) sijne(n) afsceyde(n)/ It(em) sal de voirs(creven) wynne hebbe(n) de weyde vande(n) bogarde sond(er) mete(n)/ en(de) de helicht van alle(n) den oofte ald(aer) wassende en(de) de voirs(creven)/ gord dand(er) helicht en(de) des saelt gord doen hulpen lesen en(de) de voirs(creven)/ wy(n)ne sal de(n) voirs(creven) gorde sijn helicht thuys levere(n) It(em) sal de voirs(creven)/ wy(n)ne alle trunceycke(n) willegen en(de) popelere(n) moege(n) truncken en(de)/ houwe(n) te hare(n) tijde mede te bevreden en(de) te berringen maer/ aen dopgaende hout en sal hij niet truncken sonder gorts heeten/ en(de) hij sal die ooftboeme doen veeghen en(de) ruymen alst gorde genuege(n)/ sal en(de) and(er)s niet des sal hij den afval vande(n) houte d(aer) af hebbe(n)/ It(em) sal de wynne de v(er)droechde boeme moege(n) afhouwen en(de) d(aer)/ voe(r) sal hij ii pote(n) oft plante(n) vande(n) selve(n) aerde en(de) hij sal/ alle jare op de voirs(creven) goede zette(n) xxv levend(er) willege(n) pote(n)/ binne(n) merte te(n) meeste(n) p(ro)fite It(em) sal de voirs(creven) wynne de(n) voirs(creven)/ gorde leve(re)n inde goede weke jege(n) paessche(n) ii[c] eye(re) It(em) sal de/ voirs(creven) wynne de(n) voirs(creven) gorde als hij sijne(n) wijn sijne(n) snyde(n) sal den/ selve(n) vande(n) wijngarde eene(n) dach thuys vuere(n) en(de) hij sal de(n) voirs(creven)/ gorde alle jare doen iiii corweye(n) met sijne(n) wagen en(de) p(er)de(n)/ van d(aer) tot loeven(en) oft van loeven(en) tot dair It(em) sal de voirs(creven) wy(n)ne/ alle weghe en(de) wat(er)leyden houde(n) en(de) veeghen op sijne(n) cost/ also in tijts dat her de(n) voirs(creven) gorde d(aer) af gheen scade en come/ en(de) die late(n) te sijne(n) afscheyde(n) gelijc hij die vandt te sijne(n)/ income(n) en(de) hij sal te sijne(n) afscheyde(n) te halfm(er)te int voirs(creven) hof/ late(n) xiiii mandelen roggen stroos en(de) seve(n) mandele(n) zom(er) stroes/ ongevoedert It(em) es vorwerde en(de) ond(er)sproken dat de voirs(reven)/ wynne en(de) gord ten ix[te(n)] jare van malcande(re)n sceyde(n) moege(n)/ op dat zij willen en(de) soe wye also sceyde(n) wilt dat hij dat/ den andere(n) altijt een jaer te voere(n) segge(n) en(de) cundige(n) sal/ It(em) waert also dat de voirs(creven) wy(n)ne meer lants houde(n) woude/ dan te(n) voirs(creven) hove hoirde so es vorwerde dat hij d(aer) toe/ neme(n) mach ii boende(r) ten aerde en(de) niet meer en(de) dat/ mesten na gelangde vande(n) goede(n) des voirs(creven) gordts als hij/ tcoren int voirs(creven) hoff gebracht sal hebben It(em) wa(n)t de/ voirs(creven) gord de(n) voirs(creven) wy(n)ne geleent heeft te zijne(n) income(n)/ de so(m)me va(n) x pet(er)s so es vorwerde dat de vors(creven) wy(n)ne/ de(n) selve(n) gorde deen helicht d(aer) af betalen sal te m(er)te/ naestcomen(de) ende dand(ere) helicht d(aer) af dan ov(er) i [een] jaer d(aer)/ na v(er)volgen(de) ende alle dese vorwerde(n) py(n)noc willemair/ oct(obris) xxiiii