Na dat voir den raide vand(er) stad inden jae(re) voirlede(n) met questien ende/ gescille come(n) zijn jan natuerlijc sone jans he(re)n van wange als aenlegge(r) ter/ eenre zijde(n) en(de) her willem ridde(r) en(de) librecht van haller gebruede(re)n ter/ ande(re) alse van zeke(re)n gebreken die de selve jan van wange allegeerde/ te hebben aen de selve gebruede(re)n en(de) dat uut ocsuyne van drien p(ri)ncipalen/ pointe(n) genarreert inde(n) ov(er)geve(n) bij gescrifte des selfs jans alse van zekeren/ ghelde dat de selve gebrued(er)s van hem gehaven hadden eer zij de goede va(n)/ wange hadden willen derve(n) nochtan dat hue(re) vad(er) dair toe niet dat ter goeder/ meyni(n)gen in besorge sijnre dochter die wijf was des voirs(creven) jans va(n) wange/ come(n) was d(aer) toe alsoe hij meynde diende een beleit staende inde middelste/ came(r) int boec va(n) xx ald(aer) en(de) va(n) vele scade(n) en(de) coste(n) die de(n) selve(n) va(n)/ wange bij toedoene vander selv(er) derffenissen en(de) dat hem die tsijne(n) gerieve/ niet gesciet en was aengevallen en(de) gebuert wae(re) en(de) ten derde(n) male va(n)/ seke(re)n huwelike(n) goede(n) dat de selve gebruede(re)n de(n) voirs(creven) va(n) wange/ voirhielde(n) also hij seyde dat bleec bij eene(n) instrumente va(n) huweliker
//
vorwerde(n) dat hij d(aer) af hadde met vele worde(n) tot desen inde(n) selve(n)/ zijne(n) ov(er)geven gevuecht d(aer) op van pointe te pointe de selve gebruede(re)n/ hue(re) v(er)antw(er)de(n) insgelijcx in gescrifte gesedt en(de) ov(er)gegeve(n) hebben so hebbe(n)/ burg(er)meeste(re)n scepen(en) en(de) raet der stad va(n) loeven(en) voir de welke de voirs(creven)/ ov(er)gegeve(n) niet gesciet en waren mair voir hare(n) voirseten na dat zij/ aengehoirt hadden all des den voirs(creven) p(ar)tien na hare(n) ov(er)geve(n) diene(n) oft/ te bate(n) come(n) mochten met hare(n) ov(er)drage en(de) t(er)minacie(n) get(er)mineert en(de)/ de voirs(creven) p(ar)tien in beyde(n) zijden gesedt op haer yerste en(de) elker georloft/ sijn recht te moege(n) v(er)volge(n) ter plaetsen en(de) also he(n) dat na/ recht sculdich es te geboire(n) cor(am) kersmake(re) lyntre et plu(ri)b(us) aliis/ no(vem)[br(is)] xxvii