It(em) willem vanden borne scoemake(r) woenen(de) inde steenstrate en(de) katheline/ vander elst sijn wijf weduwe gielis wilen van hoelaer in p(rese)nt(ia)/ des borg(er)meest(er)s h(ier) nae genoempt hebben ov(er)gegeve(n) getransporteert/ en(de) in hande(n) gestelt janne vranx woenen(de) te lond(er)sele alsulken/xl guld(en) pet(er)s [ix l(i)b(ra) ii s(tuvers) gr(ipen)] oft de werde als den selve(n) gehuyssche(n) verschene(n) es/ aen jonck(er) daniel van boechout en(de) sijn borgen vander scout die/ hen de jouffr(ouwe) wile(n) van wesemale sculdich bleef daer af hen/ v(er)scene(n) sijn de payme(n)te(n) te bamisse en(de) kersmisse lestleden/ p(ro)mitt(entes) ind(ivisim) war(andizare) cor(am) kersmake(re) burg(imagistro) ja(nuarii) v[ta]