Also stoet opv(er)staen es tussce(n) olivie(r) va(n) wersbeke woenen(de) ter/ nuwer capelle(n) onder de banc des goidshuys va(n) vrouwe(n)p(er)cke/ en(de) als janne vande(n) steenwege en(de) de(n) vriende(n) h(ere)n arts va(n) elde(re)n/ hen des p(ar)tie makende als gronthe(re)n vande(n) goede(n) te kersbeke/ gelege(n) resorteren(de) ten hoede tot vleytingen inde(n) name(n) en(de)/ van wege(n) vrancx van ned(er)hem alse va(n) dat de voirs(creven) olivier/ meynde dat hij tonrechte vande(n) voirs(creven) vrancke(n) in geloften/ gesteke(n) ware om op zijn lijf voir de wet der voirs(creven)/ gronthe(re)n te p(ro)cede(re)n gem(er)ct dat hij van allen gelofte(n) ende/ p(er)sonelle(n) actien te rechte behoirde inde voirs(creven) banc van/ vrouwe(n) p(er)cke en(de) also ond(er) thoetvo(n)nisse(n) va(n) loeven(e) v(er)socht d(aer)/ o(m)me de voirs(creven) olivier dat hij in (contra)rie(n) va(n) dien niet en worde
//
getogen in sijne(n) p(er)soen d(air) jege(n) de voirs(creven) gronthere(n)/ seyden dat de sake vand(er) aensprake(n) die op de(n) voirs(creven)/ olivie(r) navolgen(de) zijnre gelofte(n) gedaen ware ware een/ accessoir hangende aen een actie reael va(n) erflicheide(n) oft/ chijsse d(aer) inne de goede beyd(er) voirs(creven) p(ar)tie(n) mochte(n) zijn/ gehoude(n) en(de) dat d(aer) o(m)me de selve olivier sculd(ich) soude/ zijn voirt rechts te plege(n) ond(er) tvo(n)nisse va(n) vleytinge(n)/ voirs(creven) d(aer) om eist dat de raet vand(er) stad aengehoirt/ de gelegenth(eit) vand(er) sake(n) get(er)mineert heeft voir recht/ dat de voirs(creven) gelofte d(aer) inne de voirs(creven) olivier gesteke(n)/ ware te niente ende af zijn soude gem(er)ct dat deen/ oft dand(er) recht d(aer) bij soude worden verachtert oft gevord(er)t/ ende gelieft de(n) voirs(creven) vrancke(n) de erfgoede des voirs(creven) oliviers/ ond(er) de voirs(creven) banc van vleytinge(n) gelege(n) met rechte/ te v(er)volge(n) dat hij dat doen sal moege(n) voir de wette/ d(er) voirs(creven) gronthe(re)n en(de) eve(n) v(er)re hij de(n) selve(n) olivie(r) aen/ te spreke(n) heeft va(n) e(n)nige(n) gelofte(n) spruytende uut/ der voirs(creven) erflicheit oft and(er)s dat hij dat doen sal voe(r)/ de(n) meye(r) en(de) wethoude(re)n des goidsh(uyse) van vrouwe(n)p(er)cke/ d(aer) onder de voirs(creven) olivier die in des(en) sake(n) es v(er)w(er)d(er)/ gesete(n) es om dat bij hen oft hoire(n) wettige(n) hoede de(n)/ scepen(n) van loeven(e) geduempt te werde(n) act(um) in pleno/(con)silio junii xxi