SAL7342, Akte: V°135.2-R°136.1 (215 van 649)
Akte V°135.2-R°136.1
Act
Datum: 1447-10-25
Transcriptie
2020-01-09 door Pieter SoeteweyVanden tichten die willem lambert sergant des greve(n) va(n) sympoel/
te rebecke gegeve(n) heeft en(de) opgeleecht joese battaille poirte(r) der stad va(n)/
loeven(e) te wete(n) ierst van div(er)sen p(ar)tien die hem zeke(re) schout onder/
den selve(n) s(er)gant eysschende ware(n) en(de) hadde(n) also de have des selfs joes/
beslagen en(de) hoe(r) recht aen de(n) hee(re) gehoude(n) een ande(re)n male/
hadde de selve joes te na gesproke(n) de(n) scepen(en) te henuwires/
vande(n) welke(n) hij gelooft hadde ten eynde uut te rechte te stane/
voir de(n) bailliu en(de) ma(n)ne(n) des voirs(creven) he(re)n van simpoel te rosbeke/
en(de) voir en(de) eer hij poirte(r) werdt ongepoirtert en(de) ongevrijdt/
op i peyne va(n) xl guld(en) rijd(er)s en(de) te volcome(n) des ald(aer) voir/
recht gewijst soude worden also de selve joes dat genoech/
bekinde ende te(n) derde(n) male van dat de selve joes gelooft/
soude hebbe(n) en(de) op de(n) selve(n) banduyn uuter h(er)lich(eit) des greve(n)/
va(n) sympoel inde(n) lande van brabant niet te sceyde(n) voir/
aen d(er)re tijt toe dat hij vande(n) voirs(creven) tweeste(n) poente/
voldaen soude hebbe(n) en(de) beslicht soude zij(n) oft dat hij/
des consent en(de) orlof soude hebbe(n) over dwelc hij also/
de selve s(er)gant meynde gegaen ware en(de) hadde de(n) selve(n)/
banduyn gebroke(n) want hij uut der selver heerlich(eit) sond(er)
//
orlof was v(er)toge(n) en(de) al eer de voirs(creven) sake vande(n) scepen(en) en(de) des/ hij hen hadde vercort voldaen was wair o(m)me hij inde selve/ peyne was gevallen ende meynde also de selve s(er)ga(n)t dat/ hij d(aer) af rechts plege(n) soude ter plaetsen d(aer) hij was gesete(n)/ gemerct dat tselve v(er)bo(n)t gesciet was voe(r) en(de) eer eer hij/ poirte(r) was worden met meer worde(n) bij de(n) selve(n) s(er)ga(n)t d(aer) toe/ geseecht Ende onder den ande(re)n meynde hij oec dat de/ selve joes g[(r)o]telijc gebruict hadde in dien dat hij so(m)mige va(n) sijne(n)/ haeflike(n) goede(n) die gerasteert ware(n) bove(n) tselve rasteme(n)t wech en(de) bute(n)/ de(n) lande va(n) brab(ant) gevuerdt hadde Mair va(n) dien was de selve s(er)gant genoech/ tevreden de(n) voirs(creven) joese aen te spreke(n) ter plaetse(n) d(aer) hij na sijnre vryheit/ rechte behoirde Op dwelc de selve joes he(m) v(er)antw(er)den(de) ontkinde de(n) voirs(creven) p(ar)tie(n)/ de voirs(creven) schout en(de) meynde soe verre zij hem d(aer) af yet aen wy(n)ne(n) woude(n) dat/ dat gescien soude voir meye(r) en(de) scepen(en) van loeven(e) va(n) rechts wege(n) Op dand(er)/ poent vande(n) injurieusen worden die de selve joes op de voirs(creven) scepen(en) en(de) hae(re)/ eere(n) en(de) eede soude hebbe(n) gesproken als voe(r) geruert steet Kinde hij dat hij d(aer) af/ gelooft hadde voert aenneme(n) van sijnre poirterie(n) te rechte te stane te(n) eynde/ uut voir de(n) bailliu en(de) ma(n)ne(n) voirs(creven) mair als vande(n) banduyne voirs(creven) meynde/ hij al waert dat hij hem d(aer) inne v(er)looft hadde voir dae(n)neme(n) van zijnre/ poirterie(n) dat hij dien nochta(n) gheenssins gebroke(n) en hadde Ende vande(n)/ vierden en(de) lesten poente meynde hij dat ontkinnende eve(n) v(er)re hem de/ selve s(er)gant oft yema(n)t and(er)s yet aenspreke(n) woude(n) dat dat gescien/ soude voir meye(r) en(de) scepen(en) als voe(r) en(de) ald(aer) was hij bereet va(n)/ dien en(de) ande(re)n poente(n) trecht ten eynde uut te verbeyde(n) Meynen(de)/ dat zijn goede d(aer) op ontslage(n) soude(n) worde(n) en(de) dat die soude(n) bliven/ ongepraemt dier gebruyckende aengesien zund(er)linge dat hij se/ voir hee(re) en(de) wett te rebecke gep(rese)nteert hadde Tot dese(n) in name van/ sijne te v(er)obligere(n) en(de) te verbinde(n) was te(n) uterste(n) na de(n) reden(en) va(n) p(ar)tien/ te beyde(n) zijde(n) bij de(n) raide vand(er) stad ov(er)drage(n) [en(de)] geslote(n) als vand(en) poente/ aengaende de(n) scepen(en) va(n) he(n)nuwires en(de) all des dien aencleefde na de/ kinnesse des selfs joes dat hij d(aer) af te(n) eynde uut te rechte blive(n) soude en(de)/ staen voir bailliu en(de) manne(n) voirs(creven) en(de) hij en(de) sijn goede tot der uut(er)ster senten(cien)/ va(n) dien v(er)obligeert en(de) in hande(n) vand(er) justicie(n) na de(n) rechte vander/ plaetsen Maer vande(n) andere(n) iii poente(n) eve(n) v(er)re de hee(re) oft ande(re) p(ar)tie(n)/ den voirs(creven) joese het ware van broeke(n) oft scouwe(n) aenspreken oft/ moeyen wouden dat de kinnesse d(aer) af voir meye(r) en(de) scepen(en) va(n)/ loeven(e) sculdich sal sijn te come(n) p(rese)nt(ibus) kersmake(re) lynt(er)e burgimag(ist)ris/ et plurib(us) aliis de (con)silio oct(obris) xxv[to]
//
orlof was v(er)toge(n) en(de) al eer de voirs(creven) sake vande(n) scepen(en) en(de) des/ hij hen hadde vercort voldaen was wair o(m)me hij inde selve/ peyne was gevallen ende meynde also de selve s(er)ga(n)t dat/ hij d(aer) af rechts plege(n) soude ter plaetsen d(aer) hij was gesete(n)/ gemerct dat tselve v(er)bo(n)t gesciet was voe(r) en(de) eer eer hij/ poirte(r) was worden met meer worde(n) bij de(n) selve(n) s(er)ga(n)t d(aer) toe/ geseecht Ende onder den ande(re)n meynde hij oec dat de/ selve joes g[(r)o]telijc gebruict hadde in dien dat hij so(m)mige va(n) sijne(n)/ haeflike(n) goede(n) die gerasteert ware(n) bove(n) tselve rasteme(n)t wech en(de) bute(n)/ de(n) lande va(n) brab(ant) gevuerdt hadde Mair va(n) dien was de selve s(er)gant genoech/ tevreden de(n) voirs(creven) joese aen te spreke(n) ter plaetse(n) d(aer) hij na sijnre vryheit/ rechte behoirde Op dwelc de selve joes he(m) v(er)antw(er)den(de) ontkinde de(n) voirs(creven) p(ar)tie(n)/ de voirs(creven) schout en(de) meynde soe verre zij hem d(aer) af yet aen wy(n)ne(n) woude(n) dat/ dat gescien soude voir meye(r) en(de) scepen(en) van loeven(e) va(n) rechts wege(n) Op dand(er)/ poent vande(n) injurieusen worden die de selve joes op de voirs(creven) scepen(en) en(de) hae(re)/ eere(n) en(de) eede soude hebbe(n) gesproken als voe(r) geruert steet Kinde hij dat hij d(aer) af/ gelooft hadde voert aenneme(n) van sijnre poirterie(n) te rechte te stane te(n) eynde/ uut voir de(n) bailliu en(de) ma(n)ne(n) voirs(creven) mair als vande(n) banduyne voirs(creven) meynde/ hij al waert dat hij hem d(aer) inne v(er)looft hadde voir dae(n)neme(n) van zijnre/ poirterie(n) dat hij dien nochta(n) gheenssins gebroke(n) en hadde Ende vande(n)/ vierden en(de) lesten poente meynde hij dat ontkinnende eve(n) v(er)re hem de/ selve s(er)gant oft yema(n)t and(er)s yet aenspreke(n) woude(n) dat dat gescien/ soude voir meye(r) en(de) scepen(en) als voe(r) en(de) ald(aer) was hij bereet va(n)/ dien en(de) ande(re)n poente(n) trecht ten eynde uut te verbeyde(n) Meynen(de)/ dat zijn goede d(aer) op ontslage(n) soude(n) worde(n) en(de) dat die soude(n) bliven/ ongepraemt dier gebruyckende aengesien zund(er)linge dat hij se/ voir hee(re) en(de) wett te rebecke gep(rese)nteert hadde Tot dese(n) in name van/ sijne te v(er)obligere(n) en(de) te verbinde(n) was te(n) uterste(n) na de(n) reden(en) va(n) p(ar)tien/ te beyde(n) zijde(n) bij de(n) raide vand(er) stad ov(er)drage(n) [en(de)] geslote(n) als vand(en) poente/ aengaende de(n) scepen(en) va(n) he(n)nuwires en(de) all des dien aencleefde na de/ kinnesse des selfs joes dat hij d(aer) af te(n) eynde uut te rechte blive(n) soude en(de)/ staen voir bailliu en(de) manne(n) voirs(creven) en(de) hij en(de) sijn goede tot der uut(er)ster senten(cien)/ va(n) dien v(er)obligeert en(de) in hande(n) vand(er) justicie(n) na de(n) rechte vander/ plaetsen Maer vande(n) andere(n) iii poente(n) eve(n) v(er)re de hee(re) oft ande(re) p(ar)tie(n)/ den voirs(creven) joese het ware van broeke(n) oft scouwe(n) aenspreken oft/ moeyen wouden dat de kinnesse d(aer) af voir meye(r) en(de) scepen(en) va(n)/ loeven(e) sculdich sal sijn te come(n) p(rese)nt(ibus) kersmake(re) lynt(er)e burgimag(ist)ris/ et plurib(us) aliis de (con)silio oct(obris) xxv[to]
Nagekeken door: Lieve Van Hoestenberghe , Jos Jonckheer
Moderator: kristiaan magnus
Laatste update:: 2015-08-27 door Agata Dierick