SAL7342, Akte: V°243.2 (373 van 651)
Zoek akte
Vorige | Volgende
Akte V°243.2  
Act
Datum: 1448-01-20

Transcriptie

2018-11-28 door Pieter Soetewey
Tvo(n)nisse tussce(n) francarde vand(er) hutte(n) in deen zijde en(de) janne de bruyne/
in dande(re) alse van x g(ri)pen die de voirs(creven) francart de(n) voirs(creven) janne eysscen(de)/
was vander hueringe(n) van eene(n) wouwer die hij jege(n) den selven/
francarde gehuert hadde mette(n) visschen die doen ter tijt d(aer) op ware(n)/
dair af dat hij de v gehave(n) hadde en(de) dande(re) v ware hij hem/
noch sculdich en(de) begh(er)de d(aer) af vande(n) voirs(creven) ja(n)ne betalinge te hebbe(n)/
oft bewijssenisse va(n) betalinge(n) na dien dat van hueringe(n) ware/
dwelc hij boodt te thoene(n) en(de) mette(n) mynste(n) (et)c(etera) d(aer) op de voirs(creven)/
jan allegerende seyde genoech kinnende de hueringe vande(n) voirs(creven)/
wouwe(re) dat hij also vele vissche op de(n) voirs(creven) wouwe(re) niet/
behoude(n) en hadde alse ind(er) vorwerde(n) begrepen was p(rese)nteren(de)/
he(m) ii pet(er)s vande(n) voirs(creven) v gripe(n) te betalen en(de) tsurplus vand(en)/
selve(n) v g(ri)pe(n) meynde de selve jan te behoude(n) en(de) d(aer) aen zijn/
gebrec te neme(n) oft te(n) uterste(n) also vele als goede ma(n)ne(n) redelijc/
duncken soude dat hij vande(n) voirs(creven) vissche(n) dat die myn/
gedroege(n) dan inder selv(er) vorwerde(n) ond(er)sproke(n) was dat/
hij sculdich wae(re) te hebben en(de) des geliefde hem wale tvo(n)nisse/
also dat d(aer)enteynde(n) de he(re)n scepen(en) gemaent vande(n) meye(r) wijsde(n)/
voir een vo(n)nisse na tkinne(n) en(de) lijde(n) dat de voirs(creven) jan gekindt/
hadde dat hij d(aer) o(m)me de(n) voirs(creven) franckarde de voirs(creven) ii pet(er)s/
oplegge(n) soude en(de) vande(n) surplus betalinge doen oft bewijssen/
va(n) betalinge(n) en(de) d(aer)enteynde(n) hadde hij e(n)nich gebreck te(n) voirs(creven)/
franckarde w(er)t dat hij dat volge(n) mochte en(de) met rechte/
py(n)noc witte wynge willem(air) ja(nuarii) xx
Nagekeken doorLieve Van Hoestenberghe , Jos Jonckheer
ModeratorLieve Van Hoestenberghe
Laatste update:: 2015-08-20 door Agata Dierick