SAL7342, Act: V°407.1 (621 of 650)
Search Act
previous | next
Act V°407.1  
Act
Date: 1448-06-11

Transcription

2020-05-21 by Pieter Soetewey
Van janne vander beke/
It(em) tvo(n)nisse tusscen ja(n)ne vander beke den jongen in deen zijde ja(n)neze/
vanden hove ende pete(re)n van viler gehete(n) ysabele die met scepen(en) brieve(n)/
van loven(e) geleydt zijn voe(r) de so(m)me van hondert ende dertich/
rijders tot den goeden wouters van belanden(e) in dande(re) alse vande(n)/
goede(n) en(de) hove gelege(n) te ned(er)ysche met zijne(n) toebehoirten dwelc/
de voirs(creven) jan vand(er) beke meynde dat hem sculdich wa(r)e te volgen/
in helcht wynni(n)gen alsoe hij dat jegen den voirs(creven) woute(re)n genome(n)/
hadde dair jegen de voirs(creven) jannes en(de) pet(er) allegeerde(n) en(de) meynde(n)/
dat hen en(de) hue(re)n beleide de voirs(creven) goede soude(n) volgen met/
der betalinge(n) oft bewisenissen van twe jaire(n) ende hadde de/
voirs(creven) jan e(n)nige helcht wy(n)ni(n)ge te v(er)volgen dat hij dat soude moege(n)/
v(er)volge(n) opde(n) voirs(creven) woute(r) vanden welken de voirs(creven) jan de cont(ra)rie/
hoepte na zeke(re) handelinge(n) van gedinge die tusscen de(n) voirs(creven)/
woute(re)n en(de) hem geweest hadde(n) voe(r) scepen(en) van loven(e) alnoch ongeslete(n) en(de) geremitteert in hande(n) vander stad es gewijst met desen/
woirde(n) dat de scepen(en) de questie van desen gedinge setten in/
handen vander stad en(de) tot hue(re)r t(er)mi(n)acie p(rese)nt(ibus) pynnoc milete/
witte wynge willem(air) hortbeke junii xi
ContributorsLieve Van Hoestenberghe
Moderated byLieve Van Hoestenberghe
Last update: 2015-08-21 by Agata Dierick