It(em) voe(r) den raide vande(r) stad van loven(en) zijn comen op heden otte/ van cuyck naturlijc sone h(ere)n jans wijlen van cuyck he(re) als hij/ leefde van hoeghstraten in deen zijde ende mychiel wagemans/ diene(r) des edelen he(re)n vranx van borssele greve van oest(er)vant/ he(re) te zule te hoeghstraten en(de) van sinte m(er)tens dijck (et)c(etera) die/ vande(n) selve(n) greve bracht zeke(re) brieve van gelove aenden voirs(creven)/ otten in dande(re) ende dien achtvolgende opdede hoe hem de/ selve greve beloft hadde te eyschen ende te bringen(e) vanden/ selven otten alle alsulke brieve hoedanich die wae(re)n alse de/ selve otte vanden tijde sijns vaders onderhebbe(n) mochte aengan(de)/ den heerlich(eit) en(de) goede van hoechstrate(n) voirs(creven) welke mychiel/ dair af oic brachte zeke(re) brieve van onsen gened(ichs) he(re) inden/ welken der stad van loven(en) v(er)socht wert den voirs(creven) otten voe(r)/ oegen tontbieden(e) ende alsoe tonderwizen(e) dat hij alle de voirs(creven)/ brieve tot sijnre eedt ov(er)geve(n) soude met meer woirden in/ dande(r) zijde dair op de selve otte antwerden(de) bracht voe(r)/ oegen de brieve dair af bij inventar(is) specificac(ie) h(ier) na gemaect/ wordt tot den getale van xx[en] ende seide dat hij der/ brieve der heerlich(eit) ende lande van hoechstrate(n) van zundert/ van brecht noch van rijkevorssel aengaende nae de doot
//
sijns vaders niet meer gehadt noch geaenvert en hadde en(de) die/ was hij willich ende bereet den voirs(creven) mychiele op zijne(n) voirs(creven)/ brief en(de) geloeve ov(er) te gheven en(de) dat nam hij op zijn besceide(n)h(eit)/ p(rese)nte(re)nde tot dien sijne(n) eed op datten de raid vander stad de greve/ van oest(er)vant de voirs(creven) mychiel oft yemand anders hebben woude/ en(de) hem dair af quite(re)n weder om gheven ende v(er)socht aende/ stad want hij nu [de] selve brieve(n) alsoe ov(er)geven soude en(de) des in/ nacomenden tijden claernissen wael te doen(e) hadde op datten yema(n)t/ dair van woude aenspreken dat de stad hem dat woude doen/ teken(en) en registre(re)n in hue(re)n registren te dien eynde of [dat] hij/ hem namaels dair mede behulpen woude mochte oft hijs noet/ hadde dwelc de stad ter begherten des selfs ottens huers ingeset(en)es/ poirt(er)s op dat hem dat in nacomen(de) tijden moege dienen alsoe/ bevolen heeft te doen(e) ende werden de brieve h(ier) nae volgen(de)/ alsoe den voirs(creven) mychiele tot behoef des greve(n) van oest(er)vant/ voirs(creven) inden yersten iiii brieve mencie makende vande(n) v mudde(n)/ rox opden he(re) van helmont Ite(m) ii brieve me(n)cie makende vande(n)/ m r(insch) guld(en) lijftochte(n) die de he(re) van hoechstrate(n) plach te heffen/ vanden greve van oest(er)vant It(em) iii brieve(n) van vrouwe jehanne(n)/ besegelt deen me(n)cie makende van quita(n)cien die zij den he(re) van/ hoechstrate(n) en(de) zijne(n) lieden van allen saken gedaen heeft den/ ande(re)n brief me(n)cie makende vander beden die de he(re) van hoech/ strate(n) hue(r) consenteerde van gr(ati)en en(de) niet van rechte en(de)/ den derden van dat vrouwe jehanne consenteerde den he(re) voirs(creven)/ te moegen uutgeven ze ten erfchijnze zeke(re) goede van hue(re)/ te leen rue(re)nde Item ene(n) brief van notarien d(er) fundacie vande(n)/ outae(re) op thuys te ghelmen Item ene(n) brief vander capelrie(n) van/ wortele Ite(m) ene(n) brief van onsen heiligen vader den paus cleme(n)s/ met lote besegelt me(n)cie makende vande(n) outae(re) van rijkevorsele/ Item noch x i brief van onsen heilige(n) vader den paus cleme(n)s/ voirs(creven) me(n)cie makende vand(en) collaterien vander capellen van ons(er)/ lieve(n) vrouwen te hoechstrate(n) Item noch ene(n) brief v(er)leent van/ onsen heyligen vader den paus voirs(creven)van enen outaer steene/ om dair op te moegen celebre(re)n Item noch ene(n) brief van/ onsen heyligen vader den paus voirs(creven) ...? mencie maken(de)/ van twe capelrien deen van sinte katlijne(n) te hoechstrate(n) ende
//
dande(re) van ons(er) vrouwen te wortele Item noch ene(n) brief van/ onsen heyligen vader den paus clemens voirs(creven) verleent me(n)cie/ makende van te moegen moeni(n)gen celebre(re)n en(de) misse te/ doen lesen bynne(n) den huze oft de kerke int(er)dict ware (et)c(etera)/ Item ene(n) brief van conf(ir)macie vander capellen van ons(er) vrouwe(n)/ te hoechstraten Item ene(n) brief vanden busscop van camerijc/ mencie makende vand(er) capellen van ons(er) vrouwen ende van/ sint joese inden gasthuze te hoechstraten Item noch enen/ brief van conf(ir)macie vander capellen op thuys te gelmen bide(n)/ ordinarijs van camerijck geconf(ir)meert Item noch enen brief/ van v heergeweden besegelt onder segel van onsen gened(ichs)/ he(re) den h(er)toge nu sijnde p(rese)nt(ibus) kersmake(re) et lynte(re) burgim(a)g(ist)ris/ et pluribus aliis de consilio aug(usti) ulti(m)a