Cont zij allen lieden [die dese l(ette)ren (et)c(etera)] dat [voe(r) ons comen sijn] cornelijs coelne(re) nagelmake(r) in deen zijde ende/ willem vande(n) poele scoemake(r) in dande(re) die hue(re)r beyder erve aen/ sinte pet(er)s kerchof te loven(en) aen een liggende hebben [ende] sijn ov(er)comen/ en(de) eens worden voir hen hue(re)n erve(n) en(de) nacomelingen der poenten/ en(de) vorwerden der voirs(creven) erflijcheit aengaende gelijc hier na/ bescreven staet inden yersten alse vander mue(r)e staende tusschen/ hue(re)r beyder erve den welken hen tsamen toebehoirt es bevorw(er)t/ en(de) ond(er)sproken eve(n) v(er)re de voirs(creven) p(ar)tien gelieft te geliker cost op/ den selve(n) muer te metsen oft ty(m)me(re)n dat zij dat doen sele(n)/ mogen en(de) oft zij tsamen niet ty(m)me(re)n en woude(n) en(de) deen voir den/ ande(re)n bereet wae(re) d(aer) af es ond(er)sproken dat de ghene die alsoe/ ty(m)e(re)n oft metsen woude op den selve(n) muer sal mogen metsen/ of ty(m)me(re)n bij alsoe dat hij alleene den last [dair af] sal dragen en(de) oft/ hij dair aen yet brake oft ontstelde dat hij dat dan op sijne(n)/ last allene wed(er) maken sal ende tgebrueck vanden vouten ter
//
heymelich(eit) en(de) ande(re) gebruycken vande(n) voirs(creven) huyse gehete(n) den helm/ ende de pipe der selver heymelych(eit) sal de voirs(creven) willem houde(n)/ staende soe die nu sijn en(de) liggen en(de) tot hier toe totden selve(n)/ helm gehoirt hebben en(de) de voirs(creven) cornelijs sal tot sijne(n) huysken/ de helle geheten behouden sijne(n) kelde(r) soe v(er)re die strect/ ond(er) thuys vande(n) helme des voirs(creven) willems soe die nu/ tusschen sijne(n) muer gemest steet sond(er) voirder dair inne/ gericht te sijne welke poenten en(de) erfvorwerde(n) voirg(enoemd)/ de voirs(creven) p(ar)tien geloeft hebben voir hen hue(re)n erve(n) ende/ nacomelingen te houden en(de) malcande(re)n dair af tot ewigen dagen/ te voldoen in ald(er) vuegen en(de) manie(re)n gelijc voir geruert/ es alle argelist [h(ier) inne] uutgesceyden cor(am) eisdem