It(em) de voirs(creven) jouffr(ouwe) alijt jan ghijsbrecht en(de) claes hue(r) soen/ in p(rese)ncia hebben gekent willem(me) van durme nu t(er)/ ter tijt meye(r) te zichen(en) dat tot behoef heynkens en(de)/ eelkens wettige kinde(re)n des selfs willems die hij hadde/ van jouffr(ouwe) heylwigen wilen svilters docht(er) der voirs(creven) jouffr(ouwe)/ alijte(n) en(de) zuster der voirs(creven) gebruede(re)n dat de selve/ kinde(re) staende ind(en) voirs(creven) hue(re)r moeder stat deylen/ selen en(de) sculdich zijn te deylen in alle de goede gehete(n)/ van cruytsele met allen hue(re)n toebehoirte(n) gelege(n) inde(n)/ lande(n) van loen bij hasselt alsoe jouffr(ouwe) alijt voirs(creven) die/ ald(aer) op den dach van hede(n) houden(de) es geloven(de) [tesame(n)] te/

weten de kinde(re) te voe(re)n uutden broede gedaen tegen des/ voirs(creven) es ne(m)mermeer geweer te suecke(n) oft te maken bij/ hen selve(n) oft bij yeman(de) and(er)s in e(n)nigen rechte/ gheestelijc of weerlijc sund(er)linge alsoe v(er)re de/ selve goede(n) na de doot de voirs(creven) jouffr(ouwe) alijten/ blive(n) en(de) sijn onv(er)cocht en(de) oic op dat dair voe(r)/ afgaen sullen dair inne de kinde(re) des voirscr(even)/ willems niet gedeylt en selen wezen xxxi holl(andsche)/ gul(den) tsjaers erfliker renten met sulker (con)dicien d(aer)/ toe gedaen oft de selve kinde(re) aflivich worde(n) soud(en)/ wettige geboerte acht(er) hen te bliven dat dan hue(r)/ porcie vande(n) voirs(creven) goede(n) come(n) soude(n) en(de) v(er)sterven/ op de gheene die dien na alsdan na den lant/ rechte toebehoe(re)n soude(n) cor(am) eisd(em)