henric p(ro)chiaens en(de) / jan berne(re) inde wolf/ Item henricus p(ro)chiaens van bruessel in p(rese)ncia claes de kersmake(re) borg(er)m(eeste)r/ inde(n) name vander stad heeft volcomelijc gemechtich en(de) volcomen/ macht gegeven sonder wederoepe(n) janne b(er)ne(re) wonen(de) inden wolf te love(n)/ te eyscen te v(er)volgen en(de) in te heffen alsulke sijn scout en(de) rest als/ hem jonch(e)r daneel van boechout van wege(n) d(er) jouff(rouwe) van wae(n)roede/ comen(de) en(de) spruyten(de) uut(er) scout die de jouff(rouwe) van wesemale d(er) jouff(rouwe)/ van wae(n)rode sculd(ich) bleef den selve(n) jonch(e)r danelle de jouff(rouwe) van wae(n)r(ode)/ e(n)de alle ande(re) d(aer) dat behoeve(n) mochte te quite(re)n en(de) quitan(cie) te gheve(n)/ en(de) alle tghene in desen te doen(e) en(de) te vorde(re)n des de voirs(creven) henr(ic) selve/ soude moege(n) doen oft hij altijt jegewoird(ich) wa(r)e promitten(tes) ratu(m) et/ gratu(m) feria qui(n)ta p ante festu(m) pasche a(n)no xlvii