Van henrick keye(n)oge en(de)/ janne van rotselair zijne(n) sone/ Alsoe als na de doot jouff(rouwe) lijsbette(n) weduwe henrix wijlen vander heyden/ van werchte(r) voe(r) den raide vander stad in questien ende gescille comen/ zijn henrick keyenoge die getruwet hadde de wettege docht(er) der voirs(creven)/ wijlen gehuyschen ende na den rechte der stad van loven(e) met/ henrick heyns geheten van wolputte alst blijct bijden dat(en) inde middelste/ came(r) ond(er) meest(er) raze geregistreert geleidt was tot den goeden/ des voirs(creven) wijlen henr(ix) vander heiden dwelc gelimiteert stont/ alsoe na de (con)dicie dair bij gescreve(n) dat de voirs(creven) henric keyenoge/ hem met den voirs(creven) beleide der voirs(creven) jouff(rouwe) lijsbette(n) leefdach/ lanc alse opde helcht vanden goede(n) inden selven beleide begrepen ghee(n)sins/ behulpen en soude noch hue(r) bynne(n) hue(re)n leven(e) dair met (e)enich/ hynder oft letsel doen aen have oft erve der voirs(creven) jouff(rouwe) lijsbette(n)/ in deen zijde ende dierick van langrode ende goerd van artsloe/ geheten van cauwelille die na den voirs(creven) rechte na der handt geleidt/ zijn Te weten [vacat]/ tot den goeden have ende erve d(er) voirs(creven) jouff(rouwe) lijsbette(n) jans van/ rotselair ende m(ar)griete(n) zijns wijfs docht(er) des voirs(creven) wijlen he(n)rix/ keye(n)oeghs met den selve(n) janne van rotselair tegewoirdichlic zijnde/ in dande(re) om der goede wille die de voirs(creven) jouff(rouwe) lijsbeth hue(re)n/ leefdach lanc heeft beseten het zij leen chijs goede vliegenderve/ oft have acht(er) hue(r) gebleve(n) die de voirs(creven) henrick keyenoge meynde/ dat hem na uutwijsen van sijne(n) beleide alle half toebehoe(re)n souden/ Want de (con)dicie voirgeruert hem na d(er) doot van zijnre zwege(r)/ nu niet geletten en conste oic zeide hij dat hem na dlant/ recht in dese goede sculdich wa(r)e een gedeel ende actie(n) te geboe(re)n/ ende des was hij getroest tot der uutspraken en(de) t(er)mi(n)acien/ vander stad bege(re)nde dat hem dair op en(de) na uutwijze(n) van/ dien trecht vander stad gescien mochte Tot desen seide/ de voirs(creven) henric dat hij mids machte van seke(r) huweliker/ vorwerden gemaect ten tide als hij met der docht(er) der voirs(creven)/ jouff(rouwe) te huwelijc toech inde voirs(creven) goede gericht wa(r)e als/ voirscr(even) es Dair op zijn p(ar)tien antwerden ende seyden alre/ hande reden(en) bijden welken zij hoepen datme(n) t(er) wairheit/ bevijnden soude dat de voirs(creven) henric keye(n)oge aen tvoirscr(even)/ beleidt vremdelijc en(de) genoech ombehoirlijc gheraect waire
//
mids welke vremdich(eit) zij hoopten dat hem die anders na den landrechte/ inde voirs(creven) goede niet gericht en was tvoirsc(reven) beleit niet te baten come(n)/ en soude want hij dair mede onterven soude moegen de(n) voirs(creven)/ janne van rotselair en(de) zijne(n) wive van wiens moeder wegen de/ voirs(creven) goede quame(n) ende hue(r) kinde(re) alsoe hij (con)trarie der huwelijker/ vorwerden voirs(creven) vanden goeden van zijne(n) wegen en(de) van zijns wijfs/ wegen zo v(er)re zij hem ter hand come(n) waren hadde gedaen die/ hij alle samentlijc hadde v(er)cocht ende hem quijtgedaen m(er) dair af meinde/ de voirs(creven) jan van rotselair voe(r) hem ende zijn wijf en(de) kinde(re) te spreken/ t(er) plaetsen ende tijden hem dienen(de) jegen de ghene die de selve/ goede contrarie der selv(er) huwelijker vorwerden als voir geruert/ es besaten Desen poente(n) aengesien en(de) meer ande(re)n bij dese(n) p(ar)tien/ gealligeert meynden zij dat de raid vander stad hier op alsulken/ voirsienich(eit) soude voirtsetten dat des voirs(creven) jans wijf van rotsel(air)/ noch hue(r) wettige kinde(re) niet onterft worden en souden Ende ten/ uut(er)sten na dat dese sake t(er) delibe(r)acien vanden raide wael gecome(n) en(de)/ gedisputeert waert dair op genoech met (con)sente van p(ar)tien na alder/ gelegenth(eit) ende met vollen gevolge get(er)mineert voe(r) reden ende/ recht dat de voirs(creven) henric keyenoge vanden leengoeden desen ae(n)/ clevende soude bliven staende op zijn beloep van [land] rechte ende dat/ hij vanden chijsgoeden deen helcht soude houde(n) te zijnre tocht als/ een tochtene(r) goede sculdich wa(r)e te houden(e) bij alsoe dat zij na/ de doot vande(n) selve(n) henricke opde voirs(creven) zijn docht(er) en(de) huere/ erfgename(n) sculdich zullen zijn te comen desgelijx vande(n) beruerlike(n)/ goeden hoedanich die zijn dat die beide de voirs(creven) p(ar)tien te/ gelijke hebben ende deylen sullen ende dat de voirs(creven) henrick/ zijn deel z na zijne(n) wille sal moegen beke(re)n Ende want de voirs(creven)/ jan van rotselair met der huwelijker vorwerde(n) te volgen op de v(er)cochte/ goede bij henricken v(er)cocht soe es duutsprake van dien dat de/ voirs(creven) jan dair af al waert dat hij van gemeyne(n) rechts wegen/ mochte niet volgen en sal des voirs(creven) henrix leefdach lanc/ mair dese(n) niet te min sal hij zijn wijf en(de) hue(r) erfgename(n) van/ die(n) na de doot des voirs(creven) henrix blive(n) en(de) stae(n) op hue(r) beloep/ van rechte cora(m) pynnoc willem(air) burgmag(ist)ris et plu(ri)b(us) aliis oct(obris) s(e)c(un)da