It(em) wij willem lombart ende arnt vinc scepen(en) te loven(e) doen cond yegewelke(n)/ dat voe(r) ons come(n) es die edel ende moegende jonch(ee)r jan he(re) van/ wezemale ende te phaleis alse segge(r) ende ov(er)man gecoe(re)n ende genome(n)/ van danele vande(n) wairde he(re) van meerbeke et(cetera) ter eenre zijden ende/ diericken de voecht die des voirs(creven) daneels dochte(r) heeft t(er) andere/ van alsulken gescille ende eyscen van huwelijken vorwerden scatscoude/ geleende gelde montcoste ende ande(re)n saken die zij malcande(re)n/ eyschende mochten zijn tot den dage toe van heden Ende/ heeft zijn uutsprake vande(n) voirs(creven) stoote ende gescille na dat/ de voirs(creven) p(ar)tien hen volcomelijc voe(r) scepen(en) van loven(e) in hem/ v(er)bonden ende gesubmitteert hadden ende in tiden ende wijlen als/ hij dat na begrijp des co(m)promis hier op gemaect wael doen/ mochte gep(ro)nu(n)cieert ende uutgesproken ind(er) manie(re)n h(ier) na bes(creven)/ Inden yersten dat de(n) scepen(en) brieff van loven(e) die de voirs(creven)/[daneel te(n)] dieric heeft sprekende van iiii l(i)b(ra) groete vleems gelts ten live/ jouff(rouwe) katlijne(n) vanden warde des voirs(creven) dierix wijff aen ende op/ de goede van court dair af de dage van betalinge vallen/ half te kersmisse ende half tsint jans misse sijn ende blive(n)/ sullen van weerden ende in hue(re)r macht o(m)me de voirscr(even)/ diericke dair mede te moegen wercken om betalinge te gec(ri)gen/ na den rechte d(er) stad van loven(e) vanden payme(n)ten die(n) nae/ datum des briefs voirtae(n) vallen sullen Behoudelijc dat de/ voirs(creven) daneel de voirs(creven) iiii l(i)b(ra) groete sal moegen bewizen/ bynne(n) twe jaire(n) naestcomen(de) op ande(re) goede pande(n) ond(er) thoetvo(n)nisse/ van loven(e) gelegen bij alsoe dat de bewisenisse gescieden(de) de voirs(creven)/ iiii l(i)b(ra) groete sullen worden gestelt ten live der voirs(creven) jouff(rouwe)
//
katlijne(n) en(de) eens vande(n) kinde(re)n des voirs(creven) dierix en(de) zijns wijfs dwelc/ de(n) selve(n) diericken alsdan gelieve(n) sal ende die sal hij heffen en(de)/ jairlicx boeren alsoe lange als die live dair af leven sullen altoes/ na uutwijzen der brieve(n) die dair af nu zijn oft die na d [de] bewisenissen/ gemaect mochte(n) worde(n) sonder die (e)enichsins te moege(n) v(er)coepen/ belasten oft bese versetten in (e)eniger manie(re)n Item dat de voirs(creven)/ daneel voe(r) alle dacht(er)stel dat de voirs(creven) dieric hem eyscende es/ vande(n) voirs(creven) iiii l(i)b(ra) groete tot desen dage toe en(de) allen ande(re)n/ eyscen den selve(n) diericke(n) sal betalen xxv salute(n) oft de weerde/ dair af te kersmisse naestcomen(de) ende in afslage van dien den/ selve(n) diericken oft hijt versuect lene(n) thien salute(n) te sinte m(er)tens/ misse naestcomen(de) Item dat de voirs(creven) dierick ongehouden sal zijn/ van alsulken toeseggen als hij den voirs(creven) danele gedae(n) mach hebbe(n)/ voe(r) scepen(e) van meerbeke de brieve vande(n) voirs(creven) iiii l(i)b(ra) groete/ in hue(re)n handen te bringen Item dat de voirs(creven) daneel van zijne(n) wegen/ ombeledt den voirs(creven) diericken sal late(n) volgen alsoe v(er)re alst in hem/ es alsulke brieve van xii l(i)b(ra) groete alse liggen onder scepen(en) van/ m(eer)beke alse de voirs(creven) daneel den voirs(creven) diericken in hande(n) gegeve(n)/ mach hebben om den selve(n) diericken dair mede te doen(e) des hem/ gelieve(n) sal Item dat de voirs(creven) p(ar)tien mids des voirs(creven) [es] van alle(n) eyscen/ van huwelijker vorwerden scatscoude geleende gelde mont coste/ ende allen ande(re)n saken gelijc voirgeruert steet die zij dee(n) den/ ande(re)n eyscen mochten tot den dage toe van heden volcomelijc/ ende geheel gesleten ende v(er)enicht sullen wezen sonder dat/ dee(n) den ande(re)n dair o(m)me voirtaen yet meer eyschen oft aenspreke(n)/ sal moegen mair bliven goede gevriende Gelovende de voirs(creven)/ p(ar)tien vast ende gestentich ende van werden te houden alle tghene/ des voirgeruert es ende bijde(n) voirs(creven) jonch(ee)r ja(n)ne uutgesproken/ sonder dair tegen te comen oft te doen(e) in (e)enig(er) manieren act(um) oct(obris) xi