SAL7343, Act: R°98.1 (176 of 593)
Search Act
previous | next
Act R°98.1  
Act
Date: 1448-09-24

Transcription

2019-04-21 by Henri Brandenburg
It(em) jan leufosseal gehete(n) maduet va(n) fameillieurieux jan giliart woenen(de)/
te seneffe en(de) henr(ic) tamginsart p(ro)mis(eru)nt ind(ivisim) jonch(ee)r janne va(n) viertain/
greve va(n) falke(n)berge en(de) lambrechte de reune? meye(r) te famillieurieux/
en(de) elke(n) va(n) hen bringe(r) deser l(ette)ren te betale(n) alsulke(n) broeke(n) ende/
bet(er)nissen als de voirs(creven) greve oft zijn officier op de(n) voirs(creven) janne leufosseal/
selen moege(n) oft co(n)ne(n) gecrige(n) bij vo(n)nisse(n) der scepen(en) va(n) loeven(en) d(aer) de voirs(creven)/
jan meyndt alse poirte(r) va(n) loeven(en) dat de sake va(n) desme(n) hem mach/
eyssche(n) behoirt oft bij vo(n)nisse(n) vander wet d(aer) de selve jan bij wijsdo(m)me/
d(er) scepen(en) va(n) loeven(en) na behoirlike kunnesse geremitteert soude moege(n)/
worde(n) gelijc de voirs(creven) greve mach meyne(n) dat behoire(n) mach Oft inde(n)/
gevalle de vors(creven) iii p(er)sone(n) des niet en dade(n) hebbe(n) zij gelooft als voe(r)/
de(n) voirs(creven) greve te restituere(n) alsulke(n) goede alse hij oft de zijne de(n)/
voirs(creven) janne hebbe(n) afgepant en(de) aen hen geslage(n) de welke de voirs(creven)/
greve oft zijn officier sculdich zijn de(n) voirs(creven) ja(n)ne oft a(n)dere(n) in sijne(n)/
name te levere(n) om also ongepraemt te rechte te moege(n) come(n) hier/
inne bevorw(er)t dat de voirs(creven) greve zijn recht oft hij e(n)nich heeft/
op de(n) voirs(creven) janne sal vorde(re)n ind(er) vuege(n) voirs(creven) tusscen dit en(de) alre/
heylige(n) misse naestcomende te dien eynde dat een yegelijc hebbe(n)/
moege dat he(m) va(n) rechts wege(n) toebehoe(re)n sal en(de) dat de voirs(creven)/
borghe(n) also der saken ontlast moege(n) wesen Et p(ri)m(us) vync dor(ma)le/
sept(embris) xxiiii
ContributorsMi-Je Van Gils
Moderated byMi-Je Van Gils
Last update: 2015-03-03 by Jos Jonckheer