Van janne van raetshove(n) ende/ ph(il)ips van madeghem Tvonnisse tusschen ph(ilip)us van medeghem die gegoet en(de) geerft is/ voe(r) meye(re) en(de) scepen(en) van loven(e) met scepen(en) brieve(n) va(n) loven(e) in/ terdel vanden goeden vand(er) to(m)men met hue(re)n toebehoirte(n) te grymbergen gelege(n) dair af jan van raetshove(n) hem geloften/ van genoegh doene gedaen hadde de welcke de selve ph(ilip)us/ gevonnist hadde gelijc dat bijden brieven die hij inden rechte/ dede lesen volcomenlijc blijcte in deen zijde en(de) den voirs(creven)/ janne van raetshoven als verwerdere in dande(re) alse van dat/ de voirs(creven) ph(ilip)us meynde dat de voirs(creven) jan uut crachte vande(n)/ voirs(creven) wairscape gehouden soude wesen v hem vanden goeden/ ind(er) voirs(creven) guedingen gescreve(n) goede vestich(eit) te doene voir/ de he(re)n en(de) hue(re)n hoeven dairmen de selve goede te leene/ af houden(de) wa(r)e Ende evenverre de voirs(creven) jan dat dade p(rese)nteerde/ de selve ph(ilip)us den voirs(creven) janne insgelijcx vestich(eit) gherne(n) te/ willen doen vanden goeden van sceplaken dair af hij den vors(creven)/ janne oic wairscap geloeft hadde Dair tegen de voirs(creven) jan/ in sijne(n) v(er)antw(er)den dede seggen dat hij met sulken eyssche/ niet gepraemt en soude wesen den voirs(creven) ph(ilip)us e(n)nige/ guedinge te doene aengesien dat de vors(creven) ph(ilip)us de voirs(creven)/ goeden van sceplaken ov(er)gegoedt hadde ja(n)ne van laethem dwelc/ hij ofts hem noet wa(r)e boet te thoenen was gewijst met/ desen worden want de voirs(creven) ph(ilip)us gheen gebrec in sijnd(er)/ aenspraken [en] v(er)claerde dair inne de voirs(creven) jan nae recht/ gepraemt soude moegen sijn dat hij dair o(m)me van/ sijne(n) eyssche te vroegh op wa(r)e p(rese)ntib(us) o(mn)ib(us) scabinis except(o)/ pynnoc abs(oloens) nove(m)br(is) xix