Na daenbringe(n) vande(n) scepen(en) va(n) loeven(en) den raide vand(er) stad gedaen inder sake(n) va(n) gescille/ tussce(n) ja(n)nese de ke(m)me(re) en(de) goesse(n) gheyens voir scepen(en) gehandelt es dov(er)drach vand(er) selver stad/ dat goessen gheyens t(er) stont alle de goede die hij uut machte va(n) sijne(n) beleyde aenveert/ heeft stelle(n) sal in behoudend(er) hant alsoe hijse heeft aenveert oft d(aer) voe(r) sette(n) goede borge/ totten eynde vander questie(n) te restituere(n) oft behoeft en(de) tvoirs(creven) beleit d(aer) uut gevolcht sal/ berusten tot den eynde vand(er) saken Bij also dat jan de ke(m)me(re) te rechte come(n) sal/ jegen goessen gheyens va(n) des he(m) goessen met rechte afgewi(n)ne(n) sal co(n)ne(n) ende dat/ sal datt goessen alsdan aen de goede moege(n) trecke(n) en(de) niet meer tsurplus oft/ d(aer) yet overt wederkeerende ende alse vande(n) costen va(n) rechte die de/ voirs(creven) goessen meyndt uutgeleecht te hebben en(de) vande(n) schade(n) die de/ voirs(creven) jan de ke(m)me(re) meyndt geleden te hebben in dien dat zijn have/ onder coep es gegeve(n) en(de) gedestineert bij goessens toedoene dat sal/ beruste(n) totte(n) eynde vand(er) sake(n) om bij ordinan(tie) vand(er) stad alsdan d(aer) af/ te gescien dat recht wisen sal p(rese)nt(ibus) o(mn)ib(us) junii xxvii