SAL7343, Act: V°80.1 (151 of 593)
Search Act
previous | next
Act V°80.1  
Act
Date: 1448-09-05

Transcription

2018-05-19 by Henri Brandenburg
Item op de sake van gescille gepoert voir meye(r) en(de) scepen(en) van/
loven(en) tussche(n) janne vand(er) borch den jongen alse geleit totden/
goede(n) lodewijcx van oppendorp in deen zijde en(de) janne ha(n)narde/
in dande(re) alse welc vande(n) voirs(creven) p(ar)tien de goede hier nae/
bescreve(n) aenspreke(n) soude Es gewijst met vo(n)nisse na dien/
dat ja(n)nes wile(n) van oppendorp voire en(de) de vors(creven) lodewijc/
na gebruyct en(de) gepossesseert hebbe(n) tot op den tijt van/
nu als hue(r) erfgoede(n) en(de) zij en(de) elc van hen die/
jairgebode(n) van dien hebben doen doen alsoe de/
voirs(creven) jan vand(er) borch oppenbairlijc thoende gelieft/
de vors(creven) jan ha(n)narde de voirs(creven) goede(n) oft na/
genoemde goede(n) aente spreken dat hij dat doen/
mach en(de) met rechte p(rese)nt(ibus) lomb(ar)t pynnoc kersmake(re)/
abs(oloens) vync dor(ma)le sept(embris) qui(n)ta
ContributorsMi-Je Van Gils
Moderated byMi-Je Van Gils
Last update: 2015-03-03 by Jos Jonckheer