It(em) lambrecht vanden bruele wonende te ov(er)wynde sone lambrechts vande(n)/ bruele in p(rese)ncia heeft genome(n) ende bekent dat hij genomen heeft/ van jouff(rouwe) m(ar)g(riete) van meldert weduwe jonch(ee)r willems wijlen van/ montenaken de lande ende goede der selve(r) jouff(rouwe) m(ar)g(riete) gelijc/ die h(ier) na volgen inde prochie van ov(er)wynde voirs(creven) gelegen/ Te weten twe boende(re)n en(de) twe roeden lands gelegen aen/ den raetshove(n) wech tussce(n) jonch(ee)r adam van kerchem in beiden/ ziden Item vi roeden lands gelegen aldair neve(n) tusscen de/ goede d(er) he(re)n van sint denijs van ludic ende geerds bruyni(n)x/ It(em) de helcht van vi roeden lande gelegen dair neven/ tusscen de goede [vacat]/ It(em) de helcht van iiii roeden lands gelegen aldair inde/ vlemi(n)xdelle neve(n) de goede des voirs(creven) lambrechts Item/ xi roeden lands gelegen tusscen goerde ghielijs van raetshove(n)/ ende d(er) jouff(rouwe) voirg(enoemt) Item xii roeden lands dair bij/ gelegen tusscen m(ijn) jouff(rouwe) goet voirs(creven) ende des selfs lambr(echts)/ Ite(m) een half boend(er) lands dair neve(n) gelegen tusscen la(m)brechte/ vanden bruele voirs(creven) ende henric mellen Item xxvi roed(en)/ lands in twe stucken deen aen dande(r) gelegen tusscen de goede/ henrix warniers in deen zijde en(de) jonch(ee)r adam van kerche(m)/ en(de) henric ghielijs [van hoye] op dande(re) Ite(m) een half boend(er) lands/ gelegen inden c koute(r) ten cengs? boeme w(er)t tussce(n) janne/ vanden berge en(de) de goede [vacat] Item iii roede(n)/ lands tusscen de goede der erfgename(n) jannes biexchons? en(de) der/ he(re)n van sinte denijs voirs(creven) Item xxii roeden lands gelegen/ inden koute(r) tsinte g(er)truden wert aen den w tsint g(er)truden wech/ ende de goede jans van janshoven Item xvi roeden lands/ gelegen neven de goede des voirs(creven) jans van ranshove(n)/ Ite(m) een half boender lands dair neven gelegen tusscen de/ goede [vacat]/ It(em) een boender lands geleven inden koute(r) te rompsdorp?/ wert tusscen de taefle van thiene(n) in beiden ziden Item/ xviii roeden lands gelegen in ene(n) stucke tusscen janne rijckart/ van landen(e) ende philips van madegem Item xxii roede(n) lands/ gelegen neven de goede van chantrain ende de goede [vacat] honitas
//
gelijc de voirs(creven) lande t(er) voirs(creven) plaetsen gelegen zijn luttel min/ oft meer inder maten houden(de) ende lambrecht vanden bruele/ de vader in so(m)megen dele ende lambrecht zijn sone voirs(creven) henric/ van hoye [ende] goessen mychiels de selve goede voir tiden gehadt en(de)/ gehouden hebben Te houden te hebben en(de) te wynnen/ van halfm(er)te naestcomen(de) enen t(er)mijn van xii jairen lanc/ v(er)volgende elx jairs om xxxii sacken en(de) twe halste(re)n/ corens geheten pacht terwe goet en(de) payabel der mate(n)/ van thiene(n) alle jaire tsint andr(ies) misse apostels te betale(n)/ en(de) te thiene(n) voirs(creven) te leve(re)n [der selv(er) jouff(rouwe) ende jannese m(er)cels den jongen oft den ene(n) van hen brenge(r) van desen ] quolib(et) ass(ecutu)[m] Item es/ vorweerde ende ondersproken dat de voirs(creven) wynne de/ voirs(creven) lande wynne(n) werve(n) ende mesten sal en(de) die laten/gel ten afsceiden vanden voirs(creven) t(er)mijne gelijc zijne(n) reengenote(n)/ boven ende beneden absoloe(n)s dormale oct(obris) xviii