It(em) willem van criescourt in deen zijde ende dieric van riwecheal die/ zijn docht(er) heeft in dande(re) hebben malcande(re)n geloeft te voldoene alsulken/ vo(n)nissen alse de scepen(en) van loven(e) over hen gewijst hebben tusschen/ dit ende bynne(n) eenre maent naestcomen(de) oft bynne(n) den selven tide te/ comen(e) inder vroente(n) te loven(e) sonder dair uut te moegen sceyden het/ en zij mett(er) mi(n)nen oft mette(n) rechte op eene(n) banduyn van hondert/ rijders tot ons gened(ichs) he(re)n behoef cor(am) lomb(ar)t lynt(re) oct(obris) xxii