Van janne m(er)celijs/ It(em) also in rechte comen voe(r) meye(r) ende scepen(en) van loven(en) inde banc jan haye/ van huldenberge aengesproken heeft janne m(er)celijs den jongen sijnen zwager/ midts dat tusschen den selven [ja(n)ne] en(de) janne voirtijden een uutsprake en(de) seggen gedaen/es en(de) geseeght es ind(er) stad van bruessel xx dage in sprockel lesleden bij goede(n)/ mannen d(air) toe van beyden p(ar)tien gecoren welke seggen en(de) uutsprake also de goede/ stad van bruessel met hue(re)n open(en) brieven c(er)tificeerde ond(er) den ande(re)n pointe(n)/ inhielt een clausule van woirde te woirde v(er)volgende inden yersten van/ drie boende(re)n lants die jan haye tande(re)n tijden geloeft wae(re)n van henricke
//
van stakenborch sijnen zweer te huwelijke en(de) dair jan meynde dat/ hij inne gegoidt en(de) geerft hadde geweest des niet en was en(de) d(air) namaels/ jan m(er)celis voirs(creven) vanden voirs(creven) henricken inne geerft en(de) gegoidt was vore/ hof ende hee(re) soe hebben de vier segg(er)s te weten(e) henric de clerc rentmeest(er)/ van bout(er)shem reyne(r) van stakenborch henric sijn brued(er) en(de) he(re) reyne(r) van mechelen/ prieste(re) bij consente va(n) beyden p(ar)tien uutgesproken dat jan haye voirs(creven) ende/ jan m(er)celis henrixc van stakenborch hue(re)r beyder zweer ond(er)wijsen en(de) in dien/ hebben sullen als dat hij janne m(er)cels [m(er)celijs] eld(er) bewijsen sal goede zeker pande/ van erve als dat goeden lieden duncken sal dat jan m(er)celis vast en(de) zeker stae/ als va(n) v mudden corens lovensche mate(n) erflijc die de voirs(creven) henr(ic) tande(re)n/ tijden janne m(er)celijs met m(ar)grieten van stakenborch henr(icx) docht(er) te huwelijc/ geloeft heeft ende dat gedaen sijnde soe sal jan mercelijs voirs(creven) henr(icke) sijnen/ zweer weder ov(er)geven alsulke drie bunde(r) lants voirs(creven) als dair jan haye/ in gebreke af es en(de) soe sal dan henr(ic) voirs(creven) janne haye d(air) inne goeden/ ten rechte en(de) ter plaetsen d(air) dat behoirt uut desen hoepte en(de) meynde de/ selve jan haye want zijn voirs(creven) zwager den voirs(creven) henr(icke) van stakenborch/ die een oudt onv(er)moegen man es geheelijc te hemw(er)t hadde en(de) hielde/ bynnen sijnen huze en(de) oic in allen sijnen goeden gegoedt es also dat hi hijten/ badt v(er)mochte te ond(er)wijsen en(de) in dien te hebben(e) dat tvoirs(creven) artikel vanden/ voirgeruerden seggen voldaen en(de) volever volvuert worde dan de voirs(creven) jan/ haye dat hij den voirs(creven) henr(icke) van stakenborch huer(er) beyd(er) zweer in dien hebben/ soude en(de) d(air) toe bringen dat hem sijn voirs(creven) bewijsenisse van sijnen voirs(creven) v/ mudden corens elswair op ande(re) goede pande gesciede en(de) die de voirs(creven) jan/ in sijn drie bunder lants nae begrijp des seggens ind(er) c(er)tificatien [voirs(creven)] begrepen/ gegoedt en(de) te rechte geerft mochte worden met vele meer ande(re) c(ir)consta(n)cien/ die de selve jan haye dair toe dede seggen Dair op hem j de voirs(creven) jan m(er)celis/ v(er)antw(er)dende alligeerde alrehande reden(en) biden welken hij meynde dat de voirs(creven)/ jan haye billiken gheen zake van te croenen en hadde want hij in sijnen/ huwelijc zee(re) wael v(er)sien was en(de) al wair hij gegoedt vanden voirs(creven) henr(icke)/ sijnen zweer in alrehande sijn goede d(air) voe(r) moest hij den selven henr(icke)/ houden en(de) van alle sijnd(er) behoeften sustine(re)n p(rese)nteren(de) nochtan ten uut(er)sten dat/ hij volcomelijc en(de) [al] voldoen woude so v(er)re het hem aenginge allet tghene/ des de clausele voirs(creven) vanden voirs(creven) seggen(en) inhadde hopen(de) d(air) met te gestane/ w(er)t ten uut(er)sten bijden he(re)n tscepen(en) van loven(en) t(er) manissen smeyers gewijst/ nae aensprake en(de) v(er)antwerden va(n) beyden p(ar)tien dat de voirs(creven) jan m(er)celij(s)/ met sijnd(er) p(rese)ntacien te voldoen gestaen soude p(rese)ntib(us) om(n)ibus scab(inis) julii vi[ta]
//