SAL7345, Act: R°147.4 (248 of 628)
Search Act
previous | next
Act R°147.4  
Act
Date: 1451-11-27

Transcription

 by 
It(em) o(m)me des stoets wille die was tussche(n) hubijn mattelot in deen zijde ende/
robbeert trippaert in dande(r) spruytende uut eenre t(er)minacien onlanx tussche(n)/
hen geloepe(n) alse vande(n) goede(n) die wae(re)n jans wijle(n) noel Dair af de voirs(creven)/
p(ar)tien discordeerde(n) va(n) wat p(ar)tien va(n) wat p(ar)tien va(n) goede(n) de voirs(creven) robbeert/
den voirs(creven) hubijne goede(n) soude ende hoe v(er)re hij dair af warant soude/
wesen Soe es ten uut(er)sten bijde(n) raide vander stad ende met consente va(n)/
p(ar)tien voirs(creven) gecleert dat de voirs(creven) yerste t(er)minacie te nyeute sal wese(n) en(de)/
dat de(n) voirs(creven) robbeerde ende sijne(n) beleyde de goede jans wijlen noel volge(n) sulle(n)/
soe v(er)re dat te rechte sal diene(n) nae alle gelegenth(eden) en(de) des dair af voirtijde(n)/
gesciet es Behoudelijc dat den voirs(creven) hubijne ombelet vande(n) voirs(creven)/
robbeerde blive(n) sulle(n) xxvii roede(n) leengoets geleg(en) te ha(n)nuyt rue(re)nde/
vande(n) pryoer va(n) bertrijes en(de) desgelijcx een huys en(de) hof geleg(en) ald(aer)?/
dat den voirs(creven) janne wijle(n) noel plach [toe] te hoe(re)n Ende oft den voirs(creven)/
robbeerdt bewijse(n) can dat de voirs(creven) hubijn meer ande(r) p(ar)tie(n) va(n) goede hield/
die de(n) voirs(creven) janne noel toebehoirde(n) t(er) tijt alse tbeleydt des voirs(creven) robbeert/
gesciede d(aer) af sal de selve hubijn sijn hande lichte(n) en(de) die robberde mette(n) pa(chte)?/
late(n) volgen actu(m) in pleno consilio xxvii in novembri
Contributors
Moderated bykristiaan magnus
Last update: 2016-03-08 by Jos Jonckheer