SAL7345, Act: R°203.1 (329 of 628)
Search Act
previous | next
Act R°203.1  
Act
Date: 1452-01-17

Transcription

2019-03-23 by Chris Picard
It(em) art vand(er) banc sone wilen meeus in p(rese)ncia heeft genome(n) en(de) bekint/
dat hij genome(n) heeft va(n) janne va(n) v(er)trike vii dachmale lants gelegen/
te velthem in alrehande stucken Te houde(n) te hebbe(n) en(de) te wynne(n) va(n)/
halfm(er)te naestcomen(de) eene(n) t(er)mijn va(n) xii jare(n) lang deen na dand(er) sond(er)/
middel volgen(de) elcx jaers d(aer)enbinne(n) elc boend(er) voir ii sacke rocx goet/
en(de) payabel d(er) mate(n) va(n) loeven(en) met wa(n)ne en(de) met vedere(n) wel bereyt/
alle jare ts(in)t andriesmisse apostels te betalen en(de) te loeven(en) te leve(re)n/
den voirs(creven) janne q(u)[o]l(ibet) ass(ecutu)[m] It(em) de voirs(creven) wy(n)ne sal de(n) voirs(creven) t(er)mijn/
dueren(de) de voirs(creven) lande wy(n)ne(n) w(er)ve(n) en(de) meste(n) wel en(de) loflijc gelijc/
reengenote(n) bove(n) en(de) benede(n) en(de) die tsijne(n) uutgane late(n) gelijc hijse/
vant tsijne(n) income(n) It(em) es vorwerde dat de voirs(creven) wy(n)ne inde/
willege(n) staende aen de v dach(mael) vande(n) voirs(creven) vii dach(mael) lants gheen/
recht hebbe(n) en sal mair sal de voirs(creven) jan die alst hem gelieft/
doen make(n) en(de) houde(n) houwe(n) en(de) dair sal de wy(n)ne he(m) sond(er) cost/
des voirs(creven) jans die thuys vueren It(em) tdach(mael) vanden voirs(creven) lande dat/
nu besayt es sal de voirs(creven) wy(n)ne houde(n) tot de(n) naesten oechste ov(er)lede(n)/
is na dat de voirs(creven) xii jaer selen zijn geleden It(em) oft gerardo van/
bauss(ele) sec(re)t(aris) d(er) stad van loeven(en) dien een dach(mael) vande(n) voirs(creven) goede(n) toebehoirt/
behoefde behulp vande(n) voirs(creven) ja(n)ne om van sijne(n) aendeele betaelt te/
worden toebehoirt so heeft de selve jan hem d(aer) af gelooft altijt ter/
hant te stane en(de) behulp van rechte te doene witte abs(oloens) ja(nuarii) xvii
Contributorskristiaan magnus
Moderated bykristiaan magnus
Last update: 2016-03-15 by Jos Jonckheer