Op welke comescap de voirs(creven) gabriel heft gekint en(de) gelijdt/ dat de(n) voirs(creven) ja(n)ne va(n) muysene(n) sculdich zijn te corte(n) die/ vijftich rijnsch(e) guld(en) erflijc die de selve jan voe(r) op de goede
//
hadde gecocht elke(n) pe(n)ni(n)g te twintige(n) Noch heeft gekint de/ voirs(creven) gabriel dat hij op de(n) voirs(creven) coep vande(n) voirs(creven) janne/ so bij hande(n) va(n) he(m) selve(n) so bij hande(n) gabriels zijns soens/ en(de) zijnre mo(m)bore(n) ontfange(n) heeft xiii[c] guld(en) pet(er)s tsurplus/ vand(er) selver comescap na uutwise(n) vande(n) vorw(er)de(n) voirs(creven) bij/ goed(er) rekeni(n)ge heeft gelooft de voirs(creven) ja(n) va(n) muysen(en) te voldoene/ als v(er)reycte schout Behalve(n) dat dat surplus niet te(n) hande(n) vande(n)/ voirs(creven) gabriel en sal come(n) mair dat dat sal worde(n) aengeleecht/ aen goede erfrinten die de voirs(creven) gabriel zijne(n) leefdach sal heffe(n)/ en(de) buere(n) en(de) na de doot va(n) hem sijn erfgename(n) Behoudelijc dat/ besorcht sal worde(n) voir eene(n) yegelike(n) dient aengaen mach dat de/ selve alsulke v(er)cochte rinte(n) sele(n) blive(n) v(er)obligeert en(de) v(er)bonde(n) in/ recht(er) pantscap eve(n) v(er)re de voirs(creven) jan van muysen(en) aen zij(n) gelofte/ va(n) genoechdoen oft waerscap dat hij vande(n) voirs(creven) goede(n) hadde heeft/ gebreck vonde dat hij d(aer) ane so v(er)re de selve rente(n) strecten/ tselve gebrec soude moege(n) v(er)hale(n) en(de) dat dat oec alsoe/ te bate(n) moege come(n) (christ)offels tryapain brued(er) des voirs(creven)/ gabriels die voir de voirs(creven) geloffte(n) va(n) genoechdoen/ en(de) wairand(er)scape borghe steet cor(am) eisd(em)