It(em) de voirs(creven) wout(er) de houwe(re) heeft gekent en(de) gelijt dat hij metter voirs(creven)/ bewisenisse(n) va(n) twe gulde(n) peters tsaers opde manie(re) voirs(creven) beset en(de)/ v(er)ond(er)pant sijnde en(de) voirt met gerede(n) pe(n)nynge(n) wel en(de) volcomenlijc/ v(er)nueght en(de) betaelt is va(n) alsulker so(m)me(n) va(n) penynge(n) en(de) va(n)/ al tgheen des de(n) selve(n) wout(ere)n gebuerde va(n) h(ere)n [en(de) meeste(r)] willem(me) bout/ doctor in beyde(n) rechte(n) deke(n) va(n) s(in)te pet(ere)n te loeve(n) vande(n) coepe va(n) des/ voirs(creven) wout(er)s huys was gelege(n) inde coestrate neve(n) de goede wout(er)s/ py(n)nock en(de) scout d(aer) om q(ui)t vande(n) selve(n) coepe de(n) voirs(creven) h(ere)n willeme/ en(de) alle ande(r) des q(ui)t(ancie) behoeven(de) en(de) dien dit aengaen mach eisd(em)