SAL7345, Act: R°77.1 (144 of 627)
Search Act
previous | next
Act R°77.1  
Act
Date: 1451-09-18

Transcription

2020-01-12 by Chris Picard
Tvo(n)nisse vande(n) gedinge dat voer meye(r) ende scepen(en) van loven(e) geweest es/
tusscen herma(n)ne den raet die na den rechte der stad van loeven(e) beleyt es/
tot den goede(n) have en(de) erve jans vande(n) doirne voir tgebrec va(n) ii mudde(n)/
lijfpensien ten live(n) van ii dochte(re)n denijs boschmans gehete(n) [vacat]/
Te wete(n) tot elcx live een mudde d(aer) af gelijc de scepen(en) brieve inde(n) selve(n) beleyde/
geinsereert inhebben en(de) begripe(n) in deen zijde ende goessen vanden speelhove/
die na de(n) rechte der stad va(n) beleyt is voir gebreck va(n) zeke(re)n genoechdoen/
en(de) waerscap sekerder goede te herent gelegen bijde(n) voirs(creven) janne vande(n) doirne/
voir eygen gewarandeert in dande(r) h(ier) na genoemt Te weten vi dach(mael) lants/
opt langrodevelt tussce(n) de(n) goede(n) willems vande(n) ynde de jonge en(de) tstreetken/
gaende neve(n) tpaepsbloc It(em) een bloc lants houden(de) omtrint vi dach(mael) gehete(n)/
paepsbloc gelege(n) voir thoff vande(n) doirne en(de) aende(n) mechelsche(n) wech/
tussce(n) de(n) goede(n) pet(er)s vrancx en(de) woute(re)n jans sone De welke de voirs(creven)/
h(er)man aensprack meynen(de) dat hij dair aen zijn gebreck vand(er) p(ri)ncipaeld(er)/
lijftocht voirs(creven) mette(n) pachte(n) van vier jare(n) die jan de raet zijn brued(er)/
vand(er) voirs(creven) lijfpensie(n) als borge v(er)leet hadde verhale(n) en(de) v(er)reyke(n) soude/
Bieden(de) te thoene(n) datme(n) de voirs(creven) goede chijslijc hielt vande(n) gro(n)the(re)n/
d(aer) die af gehoude(n) werde(n) dat de live voirg(eruert) noch leefde(n) en(de) dat/
de voirs(creven) jan van doirne te(n) tijde va(n) des voirs(creven) h(er)mans beleyde de/
voirs(creven) goede besadt als zijn p(ro)per erve met meer pointe(n) (et)c(etera) Op dwelc/
de voirs(creven) goessen hem v(er)antwerdende dede seggen dat hij hoopte/
dat he(m) die aensprake gheen onstade doen en soude bij redene(n)/
wa(n)t de waerscap voirg(eruert) he(m) gelooft ware voir ende eer tvoirs(creven)/
beleit des voirs(creven) h(er)m hermans werdt gedaen met meer reden(en)/
tot de(n) selve(n) v(er)antwerde(n) gecleet Waert gewijst met dese(n) woerde(n) na/
aensprake v(er)antwerde(n) en(de) thoenisse va(n) beyde(n) p(ar)tien datme(n) den/
voirs(creven) h(er)man de raet vande(n) voirs(creven) goede(n) houde(n) sal in zijne(n) beleyde/
om zijn gebrec d(aer) aen te v(er)hale(n) also v(er)re alst noch voir scepen(en) come(n)/
es p(rese)nt(ibus) abs(oloens) abs(oloens) wynge willem(air) septe(m)br(is) xviii
Contributorskristiaan magnus
Moderated bykristiaan magnus
Last update: 2016-03-01 by Jos Jonckheer