Tvo(n)nis tusschen janne gruesselijn in deen zijde en(de) thoemase colve in dand(er)/ alse van eenen huyse en(de) hove met zijnder toebehoerten dat de voirs(creven)/ thoemaes naest den huyse en(de) hove met zijnd(er) toebehoerten des/ voirs(creven) jans grueselijn heeft leggen(de) inde percstrate en(de) dat de selve/ gruesselijn teghen den selven colve(n) opden chijs dair voe(r) uutgaende/ gecocht hadde alsoe hij meynde om xii guld(en) peters der mu(n)ten ons/ gened(ichs) he(re)n eens oft de weerde bynnen jaers te betalen dat de selve/ thoemaes alsoe geschiet te sijne bethuyghde met vrancken willemair/ die dair ov(er) als borgermeesters geweest hadde en(de) de vors(creven) coepma(n)scap/ gemaect mits ande(re)n stoote(n) die de vors(creven) p(ar)tien voe(r) hen hadden te/ vere(n)nighen Wert gewijst met desen worden bijden he(re)n scepen(en) van lov(en)/ ter manissen smeyers dat de vors(creven) p(ar)tien vand(er) voirs(creven) coepmanscap malcand(ere)n/ genoech doen souden nae dat de voirs(creven) [waerheit] gedragen hadde p(rese)ntib(us) o(mn)ib(us)/ scab(inis) dempto mych(aele) abs(oloens) julii xxiiii xii