Vanden stoete opverstaen tusschen he(re)n reyne(re)n van mulsteden/ priester p(er)soen van leez met reyne(re)n van mulsteden zijnen/ borghe in desen in deen zijde ende janne jannar met/ wille(m)me droddeal die naden rechte der stat van loven(e) comen/ en(de) beleit es tot allen den goeden jans jannar voirs(creven) in dande(re)/ alse vanden gebreken van betalinghen der pechtinghen en(de) presten/ des hofs van leez en(de) des daer aen cleeft hebben hen de/ selve p(ar)tien vanden selven stoete [en(de) ande(re)n tusscen hen uutstaende] gesubmitteert in segge(re)n/ en(de) vriendelike effene(re)n Te weten(e) de vors(creven) h(er) reyne(r) in/ janne diemelet en(de) wille(m)me de cheroul en(de) de voirscr(even)/ jan jannar in janne brombais en(de) janne lijsbeth bij alsoe dat/ de selve segge(re)n informacie van beyden vors(creven) p(ar)tien hebbende/ hue(r) uutsprake daer af doen sullen eendrechtichlijc op dat/ zijs eens zijn alle viere en(de) bijden tween van hen van huerder/ allen weghen des xii[te(n)] daeghs nae derthien dach naestcomen(de)/ en(de) oft zijs niet eens en wa(r)en sullen de selve segge(re)n de/ zake overgeven bynnen den selven tijde in handen jacops/ lonckle oft henricx malquar oft des eens van hen/ die dat aennemen wille als ov(er)man De welcke zijn/ uutsprake voe(r) scepen(en) van loven(e) daer af doen sal bynne(n)/ viii daghen dair nae en(de) oft e(n)niger p(ar)tien segge(r) gebrake/ dat zij in die stat nemen zullen [eene(n)] ande(re)n Promitt(entes) rat(um)/ witte willem(air) decembr(is) xi