It(em) de voirs(creven) stase ha(n)nart in p(rese)nc(ia) heeft geloeft loraine le stocke woenen(de) topp(re)bais/ en(de) kath(el)ine(n) sijne(n) wive naturlike docht(er) des selfs stas want hij hen de helicht/ van alde(n) goede(n) voirs(creven) voirtijts [met] der voirs(creven) sijnd(er) docht(er) in huwelik(er) vorw(er)den heeft/ gegeve(n) dat hij t(er) manisse(n) van hen oft seens va(n) hen lanxstleven(de) alsoe goede/ goide in gronde van erve oft gereede(n) pe(n)nynge(n) wed(er)geve(n) oft bewise(n) sal ten/ p(ri)se va(n) van vynd(er)s vande(n) hove alsoe ombelast als dese die hen en(de) huerd(er)/ gebuerte(n) sulle(n) volge(n) met (con)d(icien) oft de selve katheline sijn docht(er) aflivich worde/ sond(er) wettige gebuerte acht(er) te late(n) dat in die(n) gevalle de voirs(creven) bewijsde/ goide oft alsoe vele d(eniere) [pe(n)ninge] als d(aer) voe(r) w(er)den gegeve(n) wed(er)ke(re)n souden opden voirs(creven)/ stasse de(n) vad(er) en(de) sijne(n) wettige(n) erfgename(n) oft e(r)ve(n) den gheene die(n) hij die/ ordene(re)n soude te blive(n) cor(am) eisd(em)