Item ardt de moer gehete(n) bastijns ende katlijne van breetzijp weduwe bastijns/ wile(n) de moer dieme(n) hiet bastijns brued(er) des voirs(creven) arts in p(rese)ncia hebben gekint/ ende gelijdt dat alle alsulke(n) goeden het zij erfflike oft haeflike soe waer/ die belegen oft hoe zij genoemt moegen zijn gelijc die voirs(creven)/ gebrued(ere) die samentlijc alt(oes) ongesceyden ende onv(er)deylt gehouden ende/ vercrege(n) hebbe(n) hen beyde(n) alsoe lange als zij leve(n) selen oft de leste van hen leven/ sal samentlijc om dier te gebruycken toebehoiren en(de) dat deen van hen niet meer/ rechts d(aer) inne en heeft dan dande(r) al eest dat de voirs(creven) aert in meer dan de voirs(creven)/ bastijns het zij met scepen(en) br(ieve) van loven(en) oft anderssins van dien gegoet mach/ zijn Ende hebbe(n) geloeft dat zij hier jege(n) in hue(re)n p(er)sone(n) noch bij nyeman(de)/ and(er)s werken noch doen en selen maer de goede geheelijc malcande(re)n deyle(n) doen/ en(de) late(n) gebruycke(n) gelijc de voirs(creven) gebruede(re)n die gebruycte(n) Promitt(entes) sat(isfacere) eisd(em)