It(em) es vorw(er)de dat de voirs(creven) p(er)sone oft deen va(n) hen hen/ selen oft sal moege(n) doen leyden tot alle(n) de(n) goede(n) des voirs(creven)/ arts en(de) zijns wijfs om d(aer)mede te vestige(n) arde va(n) coelen(en) de(n) jo(n)gen/ des voirs(creven) arts sone va(n) xxx pet(er)s tsjaers lijfpensien te sijne(n) live/ op alle de selve goede en(de) dat d(aer) mede v(er)smelte(n) sele(n) de xl/ rijd(er)s eens oft iiii rijd(er)s lijftochte(n) die art wile(n) va(n) coelen(en) doude/ na zijns wijfs doot den voirs(creven) arde de(n) jonge(n) gelate(n) heeft te/ heffen ter stont na dat de selve art de jonge priest(er) donaet/ p(ro)fesse sal wesen inde(n) godsh(uyse) va(n) sinte m(er)tens te loeven(en) En(de) oft de/ selve art de jonge des niet en acht(er)volchde dat dan dierste/ betalinge vand(er) voirs(creven) lijftocht ierst innegaen sal na de doot/ des voirs(creven) arts va(n) coelen(en) en(de) zijns wijfs en(de) des leste levende/ en(de) niet eer en(de) dat midts de(n) voirs(creven) laste alle de goede/ des voirs(creven) arts en(de) zijns wijfs na de doot vande(n) leste leven(de)/ van hen toecome(n) selen katlijne(n) hue(re)n docht(er) wijf ar(nol)[di] kyp voirs(creven)/ en(de) huers gebreken(de) hue(re)n wettige(n) kijnde(re)n Bij also oft de/ voirs(creven) ardt de jonge priest(er) worde als voirs(creven) es dat dan/ tvoirs(creven) cloester na hue(r) beyd(er) doot hebbe(n) sal voe(r) hue(r) jaergetide/ twee mudde rocx erfs pachts en(de) dat de voirs(creven) ar(nol)[d(us)] kyp de/ xii pet(er)s vande(n) voirs(creven) xxx betale(n) sal sond(er) last des voirs(creven)/ arts van coelen(en) en(de) zijns wijfs huerre beyd(er) leefdage lang/ Behoudelijc oec in dese(n) dat de selve art en(de) zijn wijf te/ same(n) en(de) and(er)s niet des voirs(creven) es sele(n) moege(n) v(er)andere(n) alsoet/ hen gelieft voir scepen(en) va(n) loeven(en) en(de) oft oec de leste/ levende de(n) eene(n) vande(n) kinde(re)n des voirs(creven) ar(nol)[di] kyp voir/ de(n) ande(re)n yet late(n) worde(n) dat zij dat doen sele(n) moege(n)/ en(de) insgelijcx om gode in redelicheyde(n) t(er) salicheit va(n) huerre/ zielen na hue(re)n staet dispone(re)n eisd(em)