Wij mychiel absoloens ende everart van wynghe scepen(en) te/ loven(en) doen cont allen lieden dat voe(r) ons comen zijn de/ gesworen ambacht houwers vanden vettersambachte inder stat/ van loven(en) inden name van hen en(de) den ande(re)n vanden voirs(creven)/ ambachte gemeynlic en(de) insgelix de bourg(er)meeste(re)n en(de) raide/ der stat van loven(en) inden name vand(er) selver stat soe verre/ de zake na bescreven hen en(de) den rechte der selver aencleve(n)/ en(de) hebben gemaect en(de) gestelt en(de) bij desen jegenwoerdighen/ brieve maken en(de) stellen tot hue(re)n wederroepe(n) voe(r) hue(r) p(ro)cur(eur)s/ g(e)n(e)raels en(de) speciael boden henricke van vroenhoven janne van/ coudenberghe gielijs van velthem en(de) jannesse de ruyssche/ en(de) elcken van hen toender des briefs also wale eysschen(de) als/ verwerende Te vervolghen voe(r) de eerweerdige en(de) wijse/ he(re)n cancell(ie)r et raide ons liefs gened(ichs) he(re)n in zijnen/ lande van brabant alsulken saken van gebreke als tvoirs(creven) ambacht/ en(de) oic de voirs(creven) stat dien aenclevende uutstaende hebben tegen/ de goede luden vanden vetterambachte tantwerpen en(de) de stat/ aldair Geven(de) den vors(creven) vier p(er)sonen en(de) elcken van hen volcome(n)/ macht en(de) zunderlinghe beveel alle saken en(de) rechten des/ voirs(creven) ambachte(n) en(de) der stat in dien te verwae(re)n en(de) te bescudden/ eysschen en(de) clachten te maken ov(er) te geven en(de) tachtervolghen/ en(de) vortaen te doene in des voirs(creven) steet allet ghene des/ de voirs(creven) ambachthouders burg(er)meest(ere)n en(de) rade dair inne/ doen oft vorde(re)n souden moeghen oft zij samentlijc jegen/ en(de) voe(r) oogen wae(re)n Gelooven(de) vast en(de) gestentich te houden/ hebben en(de) te houden des de vors(creven) iiii p(er)sone oft deen van/ hen hier inne doen oft vorde(re)n zullen decembr(is) xx