Tvo(n)nis tussche(n) claze shaze(n) woenende te steensele ond(er) de banc/ va(n) yerssele in deen zijde ende lijsbette(n) weduwe pet(er)s wijle(n)/ didde(n) woenende tyerssel poirtersse te loven(en) t(er) ande(r) alse van/ dat de voirs(creven) claes voir hem ende aerde busen ende aerde/ wijle(n) dernyse(re) meynde(n) ontlast ende ontslage(n) te worde(n) van/ alsulker borchtocht als zij voir der voirs(creven) weduwe(n) gedaen/ hadde(n) aen m(ijn) he(r) den abdt des godshuys va(n) tong(er)loe uut/ ocsuyne vand(er) pechtinge(n) vande(n) hove des voirs(creven) godshuys/ geheete(n) scadewijc tot yerssele geleg(en) nae inhoudt der/ scepen(en) brieve va(n) yerssel die de voirs(creven) claes met gaders/ ande(re)n getuyghenisse(n) tsijne(n) rechte dienende dede exhibe(re)n/ Dair jege(n) de voirs(creven) lijsbeth in hue(re)n v(er)antworde(n) alligeerde/ meynnende te(n) slote dat zij vanden inhoude(n) der voirs(creven) scepen(en)/ brieve va(n) yerssel ende der executie(n) d(aer) op geloepe(n) ongehoude(n)/ soude wesen bij dien dat zij seide tvoirs(creven) godsh(uys) waele/ v(er)nueght te hebbe(n) Es gewijst met dese(n) woirde(n) dat de/ voirs(creven) lijsbeth de(n) voirs(creven) clase ende sijne medeborge(n) vand(er) voirs(creven)/ borchtocht ontlaste(n) en(de) ontslaen sal oft d(aer) af staen en(de) blive(n) te/ rechte met hue(re)n goede(n) inde banc tot yerssele d(aer) de brieve gemaect/ zijn p(rese)ntibus lye(mingh)[en] abs(oloens) witte wynge col(onia) dec(embris) xxiii