It(em) tvo(n)nisse tussche(n) janne goedertoys in deen zijde ende henr(ic) merx die met seke(re)n/ middel va(n) scepen(en) brieve(n) van loeve(n) come(n) sijnde totte(n) goeden jans wile(n) va(n) hoye/ geleyt is totte(n) goede(n) des selfs jans goedertoys in dande(r) alse vanden haeflike(n)/ goeden h(ier) nae genoempt Te wete(n) ii bedden met hue(re)n toebehoirte(n) iiii matele(n)/ potte iiii ketele i dosine te(n)ne(n) scotele(n) twee roestplattele i hantvat i becken/ i hael ii roest(er)s i tange ii bancke ii setele i zidele [en(de)] iii matele(n) ke(n)deler(en)/ Welke beruerlike goede de voirs(creven) jan goed(er)toys aensprack met eend(er) q(ui)tan(cie)/ van scepen(en) br(ieve) van loeve(n) die de voirs(creven) wile(n) jan va(n) hoye uut de(n) beleyde/ voirs(creven) voirtijts gegeve(n) hadde va(n) alle(n) den goede(n) des voirs(creven) jans goed(er)toys/ soe v(er)re hij die in sijne(n) widewestoele gec(ri)ge(n) hadde oft he(m) aengestorve(n)/ mochte(n) sijn meynen(de) want hij gheen and(er) beruerlike goede en hadde/ noch en wiste des hij sijne(n) eedt te(n) heylige(n) p(rese)nteerde dat de vors(creven)/ henr(ic) met sijne(n) beleyde verdoelt wae(r) vande(n) welke(n) de voirs(creven) henr(ic)/ merx meynde de (con)trarie W(er)t gewijst met dese(n) woirde(n) nae aensp(ra)ke/ en(de) v(er)antw(er)de(n) va(n) beyde(n) p(ar)tie(n) waer de voirs(creven) jan goed(er)toys sijne(n) eedt dede/ soe hij gebode(n) hadde dat hij d(aer) met gestaen soude p(rese)nt(ibus) lye(mingh)[en] [witte] iud(oco)/ abs(oloens) col(onia) sept(embris) xxv