Tvo(n)nisse tusscen jan de pont als man en(de) mo(m)boir jouffr(ouwen) jeha(n)ne(n)/ van braba(n)t weduwe jans wile(n) va(n) buret in deen zijde en(de) ja(n)ne/ van nethene(n) in dande(re) alse van de(n) gebreke vand(er) gelofte(n) va(n) genoech/ doene die de voirs(creven) jan van nethene(n) gedaen hadde voir scepen(en)/ va(n) loeven(en) wile(n) arde en(de) ja(n)ne va(n) buret en(de) hue(re)n erfgename(n)/ van xx m(ud)[de] corens erfs pachts die de voirs(creven) ja(n) va(n) nethene(n)/ hen bewijst hadde [op] thof en(de) tgoet vanden ryele met allen zijnen/ toebehoirten gelege(n) te nethene(n) en(de) te bossuyt en(de) van dat
//
de selve ja(n) va(n) nethene(n) die rinte gelooft hadde de(n) voirs(creven)/ wile(n) arde en(de) ja(n)ne alle jare ts(in)te andr(ies) misse ap(oste)ls te betale(n)/ en(de) int voirs(creven) hof te(n) ryele te leveren als v(er)volchde scout/ gelijc de voirs(creven) jan de pont dat volcomelijc thoende met i/ scepen(en) br(ieve) van loeven(en) dien hij d(aer) af gevo(n)nisst hadde vander/ date(n) xiiii[c] xxiii xi dage in febr(uarii) Ende wa(n)t de voirs(creven)/ jan de pont vanden selve(n) erfpachte gheen behoirlike vestich(eit)/ en hadde metter guedingen die de voirs(creven) jan d(aer) af hadde/ gedaen overmidts dat her wout(er) va(n) nethen(en) ridd(er) des voirs(creven)/ jans sone uut oudere(n) scepen(en) br(ieve) va(n) loeven(en) inde voirs(creven)/ goede vande(n) ryele gegoet ware also dat d(aer) om hem/ de selve goede bij eene(n) vo(n)nisse onbelast vand(er) voirs(creven) rinte(n)/ aengewijst waren te volghen Des [hij] hem gedroege(n) tot de(n)/ selve(n) vo(n)nisse geregistreert steet in des(er) came(re)n no(vem)[br(is)] ix lest/ leden versocht hij dat afgedaen te werden Dair jege(n) de/ voirs(creven) jan van nethen(en) ond(er) de(n) ande(re)n in zijne(n) v(er)antw(er)de(n)/ dede segge(n) alrehande pointe(n) en(de) redenen die tendeerde(n)/ ter meyni(n)ge(n) van dat de voirs(creven) rinte va(n) xx m(ud)[de] corens/ op he(m) en(de) zijne(n) erve(n) wed(er)o(m)me gecome(n) en(de) v(er)storve(n) souden/ sijn Hopende d(aer)om dat de voirs(creven) waerscap v(er)smolten/ soude sijn en(de) d(aer) af ongehoude(n) soude blive(n) Was/ gewijst met desen worden dat de voirs(creven) jan va(n) nethen(en)/ gehoude(n) sal zijn af te doene janne de pont dletsel/ van he(re)n wouteren vande(n) ryele en(de) zijnre guedinge(n)/ voirs(creven) oft anderssins de(n) selve(n) ja(n)ne de voirs(creven) gelofte(n) va(n)/ waerscap behoirlijc cuelen en(de) genoechdoen na inhoudt d(er)/ selver scepen(en) brieve(n) En(de) heeft d(aer)entynde(n) yema(n)t gebrec/ inde p(ro)p(ri)eteyt vande(n) voirs(creven) erfpachte dat hij die volge/ met rechte P(rese)nt(ibus) om(n)ib(us) scabinis m(ar)tii t(er)cia