It(em) voe(r) de(n) raide vand(er) stad notabelijc v(er)gadert sijn come(n) opde(n)/ dach van hede(n) jan vande(n) borchove(n) claes de kersmake(re) en(de) [jan] van duffle/ voe(r) hen en(de) jacop van opgeldenake(n) hue(re)n medeplicht(er) In dese(n)/ begherende ende v(er)suekende want tande(re)n tijde(n) joncke(re)n baudewijn/ van glymes he(re) van bierbais (et)c(etera) voe(r) den raide vander stad/ inde(n) jae(re) voe(r)lede(n) hen als zijne(n) borge(n) die voe(r) hem te groete(n) laste/ stonde(n) geloeft hadde dat hij va(n) jonch(e)r [henr(icken)] va(n) grousselt noch va(n) sijne(n)/ borge(n) die hij hadde vande(n) lande va(n) chamont dat hem [af] gewonne(n)/ wae(re) nu(m)mermeer pe(n)ninge heffen en soude hij en soude vanden/ pe(n)ni(n)gen dair af comende hen de voirs(creven) sijn borge(n) vanden/ selve(n) laste losse(n) en(de) ontslaen dat zij dat den raide nu sijnde/ recorde(re)n en(de) v(er)cle(re)n woude(n) alsoe voe(r) hen gesciet te sijne te dien/ inde dat dat in orber jan h van hen mocht worde(n) geregistreert/ En(de) dat zij [vand(en)] voirs(creven) jonch(e)r baudewijn die nu xv[c] rijnsch gulden(en)/ in gerede(n) pe(n)ninge(n) vande(n) voirs(creven) jonck(ere)n [henr(icken)] en(de) sijn borge(n) gehave(n)/ hadde en(de) noch meer pe(n)ninge dair af gescape(n) wae(re) te heffen/ te bat voldaen mochte(n) werden en(de) gelost en(de) dat selve v(er)clere(n)/ vander wet alsdan hen in behoirlike(n) tijde(n) en(de) wijle(n) te laten/ come(n) mochte Dair op jaspaer absoloens henric va(n) lyntre/ als borg(er)meest(ere)n en(de) meer ande(re) vande(n) raide te dier tijt
//
sijnde v(er)cleerde(n) op hue(re) eede die zij te(n) onderhouden vand(en)/ rechte hadde(n) gedaen dat hen wel voirstont dat de voirs(creven)/ jonck(e)r baudewijn voir hen als wethoude(re)n int jair voirlede(n)/ geweest hadde dair hij den voirs(creven) sijne(n) borge(n) de voirs(creven)/ gelufte ope(n)bairlijc en(de) willichlijc dede uut hem selven/ en(de) met sijne(n) eygen(en) [vryen] wille Dwelc geconsenteert ende/ bevole(n) wert op hede(n) in orber der voirs(creven) p(er)soene sijne(n)/ borge(n) om der reden(en) wille [voirs(creven)] geregistreert te werden P(resentibus)/ wynge burg(imagistro) et plur(ibus) al(iis) tam scab(inis) q(uam) co(n)siliar(iis) oct(obris) xx[a]/