Alsoe voe(r) den raide vand(er) stat comen sijn de eerweerdighe vad(er)/ in goede dabt des godshuys vanden percke in deen zijde en(de) henric/ mercx in dande(re) Aldair de vors(creven) henric die geleit es totten/ goeden henricx cloet en(de) lijsbetten van e(m)mersvelt sijns wijfs/ versochte gehouden te wordden inder leveringe die hem gedae(n)/ wae(re) van zeke(re)n goeden die wae(re)n jans wilen van hoye voer/ gebrec van betalingen van xxiiii peters en(de) vier mudden rox/ achterstels uut ocsuyne van xlviii pet(er)s en(de) viii mudden rox/ die de vors(creven) lijsbeth met scepen(en) brieve(n) van loven(en) hadde/ opte selve goede tot d(er)re tijt toe dat de vors(creven) abt hem/ tvoirs(creven) achterstel met coste en(de) co(m)mer vernueght soude hebben/ Hoopen(de) dat hem dat also behoerde en(de) sculdich wae(re) te/ gescien Aengesien de vors(creven) scepen(en) brieve en(de) oic dat bijde(n)/ raide vand(er) stat onlanx leden geclaert wae(re) dat de voirs(creven)/ betalinge den selven henricke geschiede(n) soude ov(er)mits der/ borchtocht die hij hadde gedaen van dat de voirs(creven) abt mett(er)/ betalingen aen hem gestaen soude Seggende daer toe/ de selve henric dat hij sonder dese betalinge te hebben(e) de/ schout jans wilen van hoye aenden proefst van ghempe/ lodewijcke vanden meersberghe en(de) ande(re) niet betalen en/ soude connen Jegen dwelc de vors(creven) abt dede seggen ond(er)/ den ande(re)n dat hij der vors(creven) lijsbetten vand(er) vors(creven) lijsbetten lijftocht/ dobbel vestich(eit) hadde gedaen Te weten(e) met scepen(en) brieve(n)/ van loven(en) en(de) oic met brieve(n) gegeven onder segel des/ vors(creven) abts en(de) co(n)vents van percke Ende hoe wale/ dat de voirs(creven) henric in zijne(n) hande(n) hadde de voirs(creven) scepen(en) brieve/ so hadde de selve henric nochtan de gelike brieve vande(n) voirs(creven) goidshuyse/ gelevert in hande(n) der stat van bruessel Also dat d(aer) mede oft uut copien/ autentike der selver tvoirs(creven) goidshuys gemaent hadde geweest va(n) wege(n)/ des voirs(creven) henr(ix) cloet en(de) zijns wijfs die de betali(n)ge begeerde(n) te hebbe(n) vander/ selver lijftocht v(er)schene(n) zeder den tijde dat de selve brieve ware(n) gemaect/ Seyde voert de selve abt dat hij int verclere(n) van dat hij de(n) voirs(creven)/ henr(ic) mercx op gelufte(n) oft borchtochte(n) die hij mochte hebbe(n) gedaen
//
tvoirs(creven) achterstel te trecken betalinge doen soude negheen consent en hadde/ gedragen Hoopen(de) daer o(m)me dat de selve abt dat de voirs(creven) scepen(en) brieve/ noch de leveringe d(aer) uut gespruyt hem noch den goeden jans wilen/ van hoye d(aer) inne tvoirs(creven) goidshuys wae(re) gegoydt geen onstade doen en/ soude ende dat hij d(aer) mede niet sculdich en wae(re) te heffen noch met/ gheenre quitancie(n) oft borchtochten die hij soude moege(n) doen te gestain/ voer aen d(er)re tijt dat de voirs(creven) henric mercx de voirs(creven) principale brieve/ onder des voirs(creven) goidshuys en(de) zijns covents zegel gegeve(n) gebracht/ soude hebben bijde voirs(creven) scepen(en) brieve en(de) in hulpen der selver op/ dat de voirs(creven) abt met eender betalingen mochte gestaen ende seyde/ voert de selve abt want de voirs(creven) henric zeke(re) voergaen(de) paymi(n)ten vand(er)/ selver lijftocht hadde geboert sond(er) des voirs(creven) goidshuys brieve in hande(n)/ te hebben Daero(m)me de selve abt bijde(n) voirs(creven) henr(ick) cloet gemoeyt wae(re)/ geweest voe(r) den raide ons gened(ichs) he(re)n de p(re)laten van dese(n) en(de) ande(re)n lande(n)/ ende oic voer e(n)nige vanden steden va(n) brabant dat d(aer) o(m)me de voirs(creven) henric/ mercx alle tgene des hij vande(n) voirs(creven) rinten hadde gehaven sculdich/ wae(re) te restitueren inden wissel te loven(en) en(de) hem zijn costen/ ende scade(n) op te leggen Daer op de raet vander stat de/ voirs(creven) p(ar)tijen aengehoirt en(de) allet geene des zij willen hebbe(n)/ willen seggen oft bij gescriften voertbringen Ende sund(er)linge/ aengesien een cedulle gethogen uuten registe(re) der stad van bruessele/ en(de) eene(n) brieff vander stat wegen van bruessel aende stat/ van loeven gesonden hier na van woerde te woerde gescreve(n)/ get(er)mineert heeft voer recht dat de voirs(creven) henr(ic) mercx met/ zijnd(er) leveringen aende voirs(creven) goede verdoelt is ende dat/ de betalinge die de voirs(creven) abt gesedt heeft en(de) gep(rese)nteert/ inden wissel te loven(en) vand(en) voirs(creven) achterstelle ende insgelijcx/ de payminte(n) vander selver lijftocht die voertaen vallen/ sullen ende inden selve(n) wissel gesedt ende gep(rese)nteert worde(n)/ inden selven sal bliven berustende tot d(er)re tijt toe dat
//
de voirs(creven) henric mercx de voirs(creven) brieve vande(n) goidshuyse die/ hij selve tot bruessel gedrage(n) heeft wed(er)o(m)me gebracht sal hebbe(n)/ ende die gep(rese)nteert tsame(n) in hande(n) vande(n) raide der stat va(n)/ loeven(en) ende vande(n) paymi(n)ten die de voirs(creven) henric mercx getoge(n)/ heeft Ende desgelijcx vande(n) costen en(de) scaden dair af de voirs(creven)/ abt restitucie begheert met gaders alle donckerheyden die/ hier uut meer spruyten mochten daer af behoudt de stat/ duytsprake de taxacie en(de) tverclae(re)n te hoer wert om dat te doene/ in tijden en(de) wilen als dat geboe(re)n sal Act(um) in pleno (con)silio no(vem)[br(is)] xxii/