Achtervolgen(de) den bethoene dat jan vanden scrieke dede voe(r) den/ raide vand(er) stat van dat hij janne vander heyden der stat brieve/ gep(rese)nteert hadde gelijc tregister ond(er) ons staende decembr(is) xx lestled(en)/ uutwijst overdroegh de raet vand(er) stat datmen den selven janne/ vand(er) heyden anderwerven bescriven soude opde sake dair hij voe(r)/ op bescreven was en(de) diende den dach op heden ende werdden/ die ande(re) brieve den selven janne gep(rese)nteert also de voirs(creven)/ jan vanden scrieke op heden bethoende nochtan dat hij voe(r)/ oogen niet en quam Daer o(m)me getermijneert was bijden raide/ vand(er) stat met vollen gevolghe dat den vors(creven) janne vand(en)/ scrieke zijnen brief van eenen rijd(er) lijftochten dair af tprotocol/ steet ond(er) ons v dage in merte int boec van xlvii behoerlic/ gereformeert soude wordden en(de) datmen nochtan niet te myn/ opden vors(creven) janne vand(er) heyden van zijnd(er) ongehoersamheit/ procede(re)n soude Cor(am) lyemi(n)gen wynge burg(imagistris) et plurib(us) al(iis)/ januarii iii/