It(em) na dien dat jacob de mal maison onlanx leden bij vo(n)nisse der/ scepen(en) van lov(en) gewijst is te restitue(re)n ernarde va(n) ha(n)nut de/ so(m)me va(n) xv(½) mudde corens vi mudde have(re)n en(de) ii mudde/ spelte(n) die de voirs(creven) jacob als rentmeest(er) tshe(re)n van lyngny/ gehave(n) hadde uut(er) schue(re)n des voirs(creven) ernarts wilen/ wy(n)ne des voirs(creven) he(re)n int jair xiiii[c] xlviii en(de) xlix/ oft dat de selve jacob bewijsen soude waer die den/ voirs(creven) ernarde tot afslage comen wae(re)n en(de) de voirs(creven)/ jacob die bewijsenisse gedaen heeft Soe eest dat/ de raet vand(er) stat get(er)mineert heeft dat de/ selve jacob met sijnre bewijsenisse gestaen sal/ Gemerct dat hij thoende die den voirs(creven) ernarde/ afgecort te sijne en(de) dat dae(re)n boven de selve/ ernart den voirs(creven) jacob als rentmeest(er) tacht(er) bleef/ ts(in)[te] denijs misse int jair xiiii[c] li viii mudde/ corens eens Act(um) in pleno (con)silio xxii fe(bruar)[ii] lii[o]