Item wouter vander hagen woenen(de) te houtain in p(rese)ncia heeft/ gheloeft cornielise vander aa woenen(de) te halen want de selve/ cornielis den voirs(creven) wout(ere)n voe(r) de wet van des(er) stat alst blijct/ bijden brieve(n) metter stat segel van loven(en) ten zaken besegelt/ vander dat(en) van desen mechtich gemaect heeft om mette(n)/ rechte te vervolghen over clause vand(er) zickelen sone wilen/ victoers alsulken so(m)me van lxxx [lxxxiiii] l(i)b(ra) gr(oot) vleemsch ter goeder/ rekeni(n)ghen als de voirs(creven) wilen victoir vand(er)e zickelen den/ vors(creven) cornielisse sculdich en(de) tachter is bleven van zeke(re)n/ leengoede en(de) erve(n) inden lande van vlaende(re)n gelegen neve(n)/ der stat van ghent die de selve wilen victoir tegen den/ selven cornielise een wile van jae(re)n voerleden cocht en(de) gecreg(en)/[alsoe de selve cornel(is) v(er)haelde] in welcke scout te gelden also de selve cornielis meynt de vors(creven)
//
claus sijn wettich sone gehouden is die oic de selve v(er)cochte goede/ besidt So wes hij vand(er) selv(er) schout den voirs(creven) clase sal sal co(n)ne(n)/ afgewy(n)ne(n) dat hij dat de(n) voirs(creven) cornelise tot zijnre manisse(n)/ sal ov(er)legge(n) en(de) uutreycke(n) als v(er)reycte schout Behoudelijc wes/ marie wettich wijff des voirs(creven) wout(er)s en(de) wettige [naturlijc] suster des/ voirs(creven) cornel(is) inde selve goede d(aer) de voirs(creven) pe(n)ni(n)ge af soude(n)/ come(n) na de(n) rechte vand(er) plaetse(n) dair die ghelege(n) zijn/ gericht mochte wesen dat hij die porcie na advena(n)t/ inde voirs(creven) pe(n)ni(n)ge te hemw(er)t sal moege(n) behoude(n) d(er) voirs(creven)/ gelofte(n) niet jege(n)staende En(de) dat dan de voirs(creven) wouter/ vande(n) geheele(n) pe(n)ni(n)ge(n) dies hij also gecrege(n) hadde oec voir/ al soude aftrecke(n) de redelike en(de) wettelike coste die [hij] de vors(creven)/

wout(er) int v(er)volge(n) van dese(n) va(n) nu voirtaen soude uut/ geve(n) oft moete(n) uutlegge(n) sond(er) argelist py(n)noc velpe m(ar)tii ix