It(em) alse voe(r) den raide vand(er) stat in gescille come(n) zijn jan stroybier/ der stat poirte(re) t(er) eend(er) zijde(n) en(de) lanceloet van gotte(n)giez drossete van/ rumpst in dande(re) alse van zeke(re)n goeden [zoen]gelde comen(de) vand(er) doet des/ brued(er)s vande(n) voirs(creven) janne stroybier dat de selve jan seyde dat de gene/ diet he(m) sculdich wae(re)n te geve(n) hem leve(re)n soude(n) eensdeels inder kerken/ te hingen(en) in vlaende(re)n en(de) oic eensdeels ond(er) den drossete van rumpst voirs(creven)/ te rumpst oft ind(er) kerken va(n) waelhe(m) Dwelc de voirs(creven) storybier seyde dat de/ voirs(creven) drossete hem toen goede en(de) g o(n)gebry ongebrukich maecte en(de) pijnde te/ maken en(de) hadde de selve zijn pe(n)ni(n)ge gerasteert oft e(m)mer soe vele gedae(n)/ soe bijde(n) castelain va(n) borhe(m) soe anderssins dat hem tsijne rastelijc niet/ volge(n) en mochte v(er)steeken dat de selve drossete hem sijnre pe(n)ni(n)gen/ voirs(creven) gebruken liete also hij eene(n) poirte(re) w sculd(ich) wae(re) te doen ende/ oft hij he(m) aenspreken woude hij p(rese)nteerde he(m) int recht voer meye(r) en(de)/ scepen(en) van loeven(en) d(aer) hij behoirde Op dwelc de voirs(creven) drossete hem/ verantwerden(de) seyde inde(n) yersten als vande(n) pe(n)ni(n)ge(n) in vlaende(re)n te/ hingen(en) gerasteert dat hij meynde dat de vryh(eit) vand(er) porterie(n) de(n) voirs(creven)/stor stroybier ald(aer) niet te bate(n) come(n) en soude en(de) p(rese)nteerde d(aer) af dat de voirs(creven)
//
scrabien d(aer) af bij hem oft zijne(n) p(ro)cur(eur) ald(aer) int recht q(ua)me hij woude he(m)/ van des hem bij de(n) voirs(creven) castelayn oft bij he(m) mocht werden betogen/ tlantrecht aldaer doen gescien mette(n) welken hij hoopte als vandie(n)/ te gestaen Ende alse vande(n) ande(re)n seyde hij dat hij tande(re)n tijde(n) bijde(n) voirs(creven)/ poirte(re) oft bijde(n) zijne(n) zunderlinge zijne(n) vader voer mijne(n) he(re)n cancell(ie)r/ en(de) raide in brabant betoge(n) was en(de) aleer hij poirte(re) d(er) stat va(n) loeven(en) wae(re)/ w(er)den d(aer) bij appointeme(n)te vande(n) selve(n) hue(re)? de zake geremitteert wert totte(n)/ lantrechte en(de) dat boet hij te thoene(n) Waert de selve poirte(re) ontki(n)nen woude/ w(er)t hier op te(n) uut(er)sten bide(n) raide vand(er) stat get(er)mineert met volle(n) gevolge/ dat alse vande(n) yersten de drossete met des hij in zijne(n) verantwerde(n) geseecht/It(em) hadde gestain soude en(de) als vanden ande(re)n na dat de voirs(creven) poirte(re)/ kinde tpeert dat de voirs(creven) drossete beleyt dat den selve(n) poirte(re) van dien/ zijn vrydicheit niet te bate(n) come(n) en soude wae(r) hier uut de voirs(creven) poirte(re)/It(em) int onrecht wert bevonde(n) waert get(er)mineert dat hij des drossete(n)/ cost van des(er) reysen soude betale(n) Gedaen ap(ri)lis xiii a(nn)[o] liii