Item de voirs(creven) goert heeft den vors(creven) brief den voirs(creven) sijnen sone/ bekint te dier meyni(n)gen dat de selve sone hem daert/ met sal moegen doen beleiden alst hem gelieft totten goede(n)/ sijns vad(er)s voirs(creven) hier onder genoempt Te weten(e) op alle des/ vors(creven) goerts sijns vad vaders goede die hij inde stat/ en(de) vrijheit van zichen(en) liggende heeft onder wien die/ hoven en(de) vort op drie zillen beempts geheten diestheusel/ gelegen inde prochie van diest onder de banc van caggeve(n)ne/ en(de) op drie boend(er) bosch gelegen te meerbeke inde prochie/ van caggenvenne neven de goede sgodshuys van p(er)cke Ite(m)/ tot ii(½) boend(er) bosch gelegen inde selve prochie ter plaetsen/ geheten ten berghe neve(n) de goede des heylighengheest/ van zichen(en) Item vort tot allen den goeden die de
//
voirs(creven) vader inde stat van loven(en) heeft of gecrigen sal moegen/ om metten selven beleide voe(r) hem sijn erfgename(n) en(de) nacomelinge(n)/ de vors(creven) goede tot eeuwegen dagen te besitten met condicie(n)/ dat de brieve vand(en) selven beleide sullen bliven ond(er) scepen(en)/ van loven(en) In sulker wijs oft de voirs(creven) natuerlike sone storve sond(er)/ wettighe geboerte achter hem te laten oft te bliven dat dan de/ vors(creven) goede den vors(creven) beleide niet tegenstaende ind(er) eend(er) helicht/ bliven en(de) v(er)vallen zullen lodewijcke vossenpants den jongen/ en(de) sijnen erfgenamen en(de) voer dande(re) helicht den kynde(re)n henr(ix)/wilen van beringen die hij hadde van mechteld(en) van vorst sijnen/ yersten wijve Dat oic de vors(creven) sone den vors(creven) zijnen vader/ sijn leefdage aende vors(creven) goede gheen hynd(er) doen en sal en(de) dat/ men oic den voirs(creven) vader soe lange hij leeft de brieve/ wedergeve(n) sal oft tsijnd(er) begheerten a(n)nichelle(re)n Cor(am) eisd(em)