SAL7346, Act: V°271.3-R°272.1 (466 of 677)
Search Act
previous | next
Act V°271.3-R°272.1  
Act
Date: 1450-03-02

Transcription

2019-09-03 by kristiaan magnus
It(em) also voir de(n) rade vand(er) stad come(n) is h(er)symo(n) py(n)noc/
ridd(er) met jasp(ar) absoloens als geleit tot zijnen goeden Opdoen(de)/
dat de voirs(creven) h(er)symon uut v(er)sueke en(de) v(er)volge amelr(ix)/
py(n)nox sijns brueders gedaecht ware te luydic om deswille/
dat de voirs(creven) amelr(ic) va(n) hem yesch te hebben copie van/
seke(re)n instrume(n)te(n) va(n) huweliker vorwerde(n) voirtide(n) gemaect/
tussce(n) jouff(rouwen) lijsbette(n) weduwe loenis wile(n) va(n) boechout en(de)/
de(n) voirs(creven) he(re)n symoen(e) op deen zijde en(de) vrou magriete(n)/
weduwe wile(n) he(re)n wout(er)s va(n) quaderebbe ridd(er)s inde(n) name/
en(de) va(n) wege(n) vrou ka(tlij)[ne(n)] va(n) q(ua)derebbe docht(er) des selfs/
wile(n) her wout(er)s en(de) vrou magriete(n) op dand(er) sijde Oft
//
opden selve(n) eysch te luydick te co(m)pare(re)n versueken(de) want hij gheen/
brieve noch huwelike vorwerde(n) en hadde d(aer) inne af hij/
e(n)nige copie(n) de(n) voirs(creven) amelrike sculd(ich) ware te gheve(n) en(de) die/
sake oec gedroege(n) jege(n) de heerlich(eit) ons liefs gened(ichs) he(re)n/
en(de) de(n) rechte vande(n) lande en(de) va(n) des(er) stad dat de/
voirs(creven) amelr(ic) worde bedwonge(n) tvoirs(creven) dagen af te doene/
Volgende zijn recht op de(n) voirs(creven) ja he(re)n symoen(e) en(de) jasp(ar)/
oft hij hen yet eysscen(de) ware voir meye(r) en(de) scepen(en)/
oft voir den rade vand(er) stad d(aer) toe sij hen p(rese)nteerde(n)/
En(de) d(aer) na de voirs(creven) amelrijc geco(m)p(ar)eert is seggen(de) in/
sijne(n) v(er)antwerde(n) bij alrehande redene(n) dat hij hoopte dat/
hij sond(er) de quetsinge vand(er) heerlich(eit) en(de) rechte(n) voirs(creven)/
vand(er) voirs(creven) sake(n) wel dage(n) mochte Es te(n) ut(er)ste(n)/
get(er)min(er)t dat de voirs(creven) amelr(ic) tvoirs(creven) daghe(n) afdoen sal/
en(de) d(aer) voe(r) gehoude(n) zijn En(de) dat hij sijn actie alsulc/
als he(m) gelieve(n) sal te(n) voirs(creven) he(re)n symoen(e) w(er)t sal doen/
voir meye(r) en(de) scepen(en) van loeven(en) dair de sa yerste/
ky(n)nijse vand(er) sake(n) beyde bij crachte va(n) scepen(en) brieve/
en(de) vrijch(eit) van beyde(n) p(ar)tien behoirt om ald(aer) gewijst/
te werden des va(n) rechte behoire(n) sal Act(um) in pleno/
(con)silio m(ar)tii s(e)c(un)da
ContributorsJos Jonckheer
Moderated byMi-Je Van Gils
Last update: 2015-03-18 by kristiaan magnus