SAL7347, Act: R°12.1 (29 of 748)
Search Act
previous | next
Act R°12.1  
Act
Date: 1453-07-04

Transcription

 by 
It(em) h(er) gord ernarts prieste(r) en(de) alard goede die na de(n) rechte d(er) stad/
va(n) loeven(en) beleit zijn tot de(n) goede(n) have en(de) erve jouffr(ouwe) yvete(n) va(n)/
baerdeghe(m) weduwe coenraerts wile(n) ernarts brueders des voirs(creven) h(er)/
gorts in deen zijde en(de) jan va(n) dyepe(n)beke dieme(n) heet du vivier/
in dandere sijn met malcande(re)n overcomen alse vande(n) stoete die/
was tusscen den voirs(creven) ja(n)ne va(n) dyepe(n)beke en(de) de(n) voirs(creven) wile(n) eevrarde/
op de vuege h(ier) na verclaert die zij elc de(n) ande(re)n volcomelijc gelooft/
hebben te volvuere(n) Ierst eist besproken dat de voirs(creven) ja(n) va(n) dyepe(n)beke/
de(n) voirs(creven) h(ere)n gorde te sijnre manissen goede guedinge en(de) behoirlike/
vestich(eit) doen sal inde(n) hove(n) d(aer) dat behoirt inde helicht vande(n)/
goeden gelege(n) te piet(er)hem die wilen ware(n) jouffr(ouwe) marie(n) va(n) chesteal/
die w yerste wijf was des voirs(creven) coenrarts so v(er)re die hove(n) ond(er)/
trijcxrecht Vande(n) welke(n) nu gedinge hangt inde banc te piet(er)he(m)/
des heerscaps va(n) q(ua)derebbe tussce(n) de(n) voirs(creven) h(er) gorde en(de) janne en(de)/
d(aer) mede sal tselve gedinge bevelt zijn en(de) de selve h(er) gord en(de)/
zijn mede p(ar)tien sulle(n) h(ier) mede tot ewige(n) dage(n) te vrede(n) zijn/
sond(er) tot der ande(re) helicht e(n)nichs rechts hen te v(er)mete(n) Voirt/
sele(n) de voirs(creven) h(er) gord en(de) jan de(n) voirs(creven) alarde sculd(ich) zijn te/
zijnre manissen uut de(n) voirs(creven) gemeyne(n) goeden bewijssenisse/
oft guedinge te doene va(n) i m(ud)[de] rox d(er) mate(n) va(n) thiene(n)/
erfs pachts va(n) dien drie mudde(n) rox dieme(n) heft op huys/
en(de) hof met zijnre toebehoirte(n) dat lavets biesewail wile(n) was/
gelege(n) te piet(er)hem Hier op sulle(n) de voirs(creven) h(er) gord en(de)/
alard gehoude(n) zijn de(n) voirs(creven) ja(n)ne va(n) dyepe(n)beke ov(er) te geve(n)/
alle alsulke(n) br(ieven) oft munime(n)te(n) alse de voirs(creven) wile(n) coenrard op/
de(n) selve(n) ja(n)ne sprekende hadde en(de) voirt te doen hebbe(n) [behoirlike] q(ui)tan(cie)/
vand(er) voirs(creven) weduwe(n) oft van hen alse geleit va(n) al des de/
voirs(creven) jan de(n) voirs(creven) wile(n) coenrarde sculd(ich) en(de) belang was als hij/
aflivich werdt en(de) d(aer) toe de(n) voirs(creven) ja(n)ne tontlasten va(n) alle(n)/
coste(n) die tot nu in des(er) sake(n) sijn gedaen en(de) v(er)schene(n) cor(am) mych(aele) abs(oloens) m(er)sb(er)ge julii q(uar)ta
Contributors
Moderated bykristiaan magnus
Last update: 2016-01-10 by kristiaan magnus