Wij roel(ants) vyncke scepen(en) van loeven(en) doen cont alle(n) lude(n) dat voer ons/ come(n) zijn joes de pape tielman van scoene(n)berge roelof vand(er) elst de jonge en(de)/ goessen tibe als segg(er)s gecore(n) van gielijse den roeve(re) pauwels de coste(re) aerde/ meys en(de) henr(icke) vand(er) lynden zwag(er)s des voirs(creven) gielijs voer hen en(de) inden/ name van machiele en(de) adriane de roeve(re) beyde uute(n) lande wesen(de) welken/ machiele de voirs(creven) aert meys en(de) aert vand(er) borch natuerlijc gelooft hebbe(n)/ in dese(n) te v(er)vangen Desgelijcx hebbe(n) de voirs(creven) gielijs de roeve(re) en(de) aert/ meys op hen genome(n) de(n) voirs(creven) adriane van alsulken stoote alse zij hadde(n)/ van hue(re)n huwelijke voerwerde(n) en(de) ande(re)n deylinge(n) en(de) versterffenissen hen/ gedaen en(de) nae wijle(n) janne den roeve(re) en(de) zijne(n) wijve gebleve(n) hebben huer/ uutsprake binne(n) den tijde vand(en) submissien gedaen inder manie(re)n hier nae/ volgen(de) Ierst dat de deylinge die de voirs(creven) p(ar)tijen bij malcande(re)n mynlijc/ hebben gedaen stad grype(n) sal en(de) gehouden wordden en(de) dat zij d(aer) op sulle(n)/ verthien en(de) malcande(re)n quijtscelden It(em) dat tvierdeel wijng(ar)ts geleg(en)/ opden galghberch den voirs(creven) aerde in zijnd(er) deylinge(n) gevallen den selve(n)/ aerde volge(n) sal en(de) blive(n) ende dat de selve aert ongelast sal bliven/ vanden toeseggen(en) dat gielijs meyer dat de voirs(creven) aert hem d(aer) af/ soude hebben gedaen Item dat de voirs(creven) gielijs ongehoud(en) sal zijn vande(n)/ gulden(en) die erflijc die de voirs(creven) henr(ick) vand(er) lynde(n) meynde dat de selve/ gielijs hem toegeseecht soude hebbe(n) It(em) dat aert meys en(de) aert vand(er)/ borch mette(n) beleide dat zij hebbe(n) opte goede des voirs(creven) machiels selen moge(n)/ heffen tgedelte des selfs mach(iels) alsoe [lange] als hij leve(n) sal mer oft de selve/ mach(iels) aflivich wordde sond(er) van sijne(n) goede(n) te dispone(re)n en sulle(n) zij/ den rechte(n) oer noch oic den gene(n) dien die gelate(n) mochte(n) zijn mette(n)/ voirs(creven) beleide gheen hynd(er) moege(n) doen m(er) het sal van dien te/ nyeute wesen Behoud(elijc) datme(n) hen oic van des zij vand(en) r(e)nte(n)/ gehave(n) soude(n) hebbe(n) niet moeyen en sal moege(n) Item sal de voirs(creven)/ gielijs in recompensacien oft voldoeni(n)gen zijnd(er) huwelijk(er) voirw(er)den/ noch hebbe(n) bove(n) tgene des hij gehad heeft vi pet(er)s eens en(de) die/ heffen aende resten dieme(n) hen int gemeyne sculd(ich) is Item dat/ mits dese(n) de voirs(creven) p(ar)tijen int geheele v(er)eenicht sulle(n) zijn en(de) blive(n)/ mynlijc v als brued(er) en(de) zuste(r) va(n) alle(n) stoote die zij totte(n) dage/ toe van heden uutstaen(de) moegen hebbe(n) gehadt aengaen(de) in/ e(n)nig(en) manie(re)n m(ar)tii xix