SAL7347, Akte: R°348.3 (560 van 748)
Zoek akte
Vorige | Volgende
Akte R°348.3  
Act
Datum: 1454-04-13

Transcriptie

2019-02-06 door Magda van Winkel
It(em) vand(en) aenspraken die machiel van hortbeke [die] met gad(er)s arnde van kessel/
geleit es totte(n) goeden gielijs wijlen van meldert cuypers en(de) die den/
selve(n) arnde en(de) ov(er)geve(n) vand(er) p(ar)tijen h(ier) ond(er) bescr(iven) tot dese(n) naebescreven saken/
geloofde te vervangen en(de) dat zij met eene(n) gedinge gestaen soude gedaen/
heeft tot ja(n)ne lyenynck die getruwt heeft katlijne weduwe gielijs wijlen/
de v(er)me(re) de jonge alse vand(er) geluften van genoech doen en(de) warandeerscap/
van eene(n) vierendeel wijng(ar)ts gelegen op roesselberch neve(n) de goede willems/
p(ro)cur(eur) dat de voirs(creven) ka(tlij)[ne] met gielijse(n) den v(er)me(re) gewarandeert heeft op een/
vierendeel wijns sonder meer lasts bove(n) welck vierenddeel wijns hij vonde/
alsoe hij seyde en(de) oec met scepen(en) brieve(n) van loeven(en) bewijsde op tvoirs(creven)/
vierdeel wijng(ar)ts en(de) meer ande(re) pande besedt een oude croone erflijc/
die wout(er) de ruyssce voermaels d(aer) aen gec(re)gen heeft die hij hoopte/
dat he(m) de voirs(creven) jan als mo(m)boir der voirs(creven) ka(tlij)[ne(n)] sijns wijfs en(de)/
die hij met hue(re)r have(n) aenveert hadde alsoe hij bethoende afdoen soude/
en(de) sculd(ich) wae(r) af te doen jege(n) dwelc de voirs(creven) jan hem opponeerde/
en(de) meynde bij div(er)sen reden(en) dat hij h(ier) inne niet gehoud(en) zijn en/
soude noch sculd(ich) en wae(r) gehoud(en) te zijne Soe wert h(ier) op bijden/
raede vand(er) stad nae dat de scepen(en) van loeven(en) de sake ind(er) stat/
hande gesedt en(de) ov(er)gegeve(n) hadden get(er)mineert voe(r) reden(en) en(de) recht/
dat de voirs(creven) jan leymynck als mo(m)boer zijns wijfs gehoud(en) zijn/
soude de(n) voirs(creven) machiele de voirs(creven) croone erflijc vand(en) voirs(creven) vierdeel/
wijng(ar)ts af te doen p(rese)ntib(us) kersmake(re) willem(air) burg(imagistris) (et) plu(r)ib(us) al(iis) ap(ri)lis xiii
Nagekeken doorkristiaan magnus
Moderatorkristiaan magnus
Laatste update:: 2016-04-02 door kristiaan magnus