It(em) want h(er) symo(n) pynnoc ridde(r) als geleit met scepen(en) br(ieven) va(n) loeven(en)/ tot de(n) goede(n) amelr(ix) py(n)nocx sijns brued(er)s op de(n) dach va(n) hede(n) als op/ v(er)streken(de) dage va(n) rechte dach va(n) rechte hadde jege(n) de(n) selve(n) amelr(icke) en(de)/ alle ande(r) die recht tot dien goede(n) meynde te hebben Aldair nyema(n)t te/ rechte comen en es so hebbe(n) de he(re)n scepen(en) va(n) loeven(en) t(er) manisse(n) smeyers/ gewijst voir i vo(n)nisse dat me(n) de(n) voirs(creven) h(er) symoen(e) vande(n) voirs(creven) goede(n)/ houde(n) soude inde macht va(n) sijne(n) beleyde voirs(creven) so v(er)re dat noch voir/ hen come(n) es cor(am) eisd(em)