It(em) de voirs(creven) gabriel in deen zijde en(de) jan va(n) muysen(en) in dande(r)/ hebben gelooft malcande(re)n onv(er)brekelijc te houden en(de) te voldoen en(de)
//
te volvuer(en) alsulke(n) uutsprake alse tussce(n) hen tandere(n) tide(n) hebbe(n)/ uutgesproke(n) en(de) gepronu(n)cieert h(er) adriaen neve cano(n)nick va(n) here/ gheert va(n) y(m)merssele bastaert wille(m) scoef en(de) gheert van cuycke/ ind(er) stad va(n) lyere deen en(de) dand(er) neve(n) mechlen opde(n) pas dair/ p(rese)nt ende jegenwoerdich ware(n) h(er) jan vand(er) bruggen ridd(er) m(er)cgreve/ tantwerpe(n) jorijs van heffen(en) joh(ann)es de dond(er) en(de) meer ande(re) vande(n)/ welke(n) cedulle(n) en(de) munime(n)te(n) gemaect zijn lynt(re) m(er)sberge oct(obris) xxiiii