It(em) jehan de pospo woenen(de) te braken eyge(n) in p(rese)ncia heeft genome(n) en(de)/ bekint dat hij genome(n) heeft va(n) warnier va(n) pospo inde(n) name vand(er)/ cap(it)len van camerike de grote thiende der voirs(creven) cap(it)[len] tot brakeneyghe(n)/ metter offerande(n) d(aer) toebehoiren(de) ende de cleyne thiende der selv(er) cap(it)len gehete(n)/ de thiende va(n) vorst bij brake(n) eyghe(n) gelege(n) met alle(n) toebehoirten/ gelijc gerar le febure en(de) jehanne van marbaix sijn wijf die ald(aer)/ hebben gehouden Te houde(n) en(de) te hebben van sint jans bap(tis)[te(n)] lestleden/ eene(n) t(er)mijn va(n) drie jare(n) lang v(er)volgen(de) elx jaers d(aer)enbinne(n) om c/ r(ijnsche) guld(en) oft de w(er)de d(aer) af in paym(en)te jaerlijcx in burse(n) loepende te/ betalen deen derdel d(aer) af te dertienmesse dand(er) derdel te paessche(n)/ en(de) tderde derdel ts(in)t jansmisse bap(tis)[te(n) de(n) voirs(creven) warnie(r)] alle jare de(n) voirs(creven) t(er)mijn dueren(de)/q(u)[o]l(ibet) ass(ecutu)[m] en(de) te bruessel oft te berghe(n) in heneg(ouw) d(aer) der voirs(creven) cap(it)len/ dat best gelieve(n) sal te levere(n) q(u)[o]l(ibet) ass(ecutu)[m] Met vorwerde(n) so wat vlasse/

oft vlasse oft raepsade der voirs(creven) thienden toebehoiren(de) ten uutgange/ vande(n) voirs(creven) jaerschare(n) op sint jans avont des noenens uutgetoge(n) oft/ gemaeyt sal wesen dat de thiende d(aer) af de(n) voirs(creven) ja(n)ne de pospo/ toebehoire(n) sal maer so wat vlasse oft raepsaet op sint jans avont/ na der noene(n) blijft staende dair en sal de voirs(creven) jan de pospo gheen/ recht inne hebben mair sal de thiende d(aer) af der voirs(creven) cap(it)len toe/ behoiren(e) Item geviele e(n)nige scade van orloge oft te(p)peeste(n) aende goede/ der voirs(creven) thiende toebehoiren(de) binne(n) de(n) tide voirs(creven) d(aer)af sal de voirs(creven)/ de voirs(creven) cap(it)le(n) de(n) voirs(creven) janne rastoir doen gelijc ande(re) he(re)n/ ende prelaten hue(re)n thiendene(re)n bove(n) en(de) benede(n) doen sele(n) En(de) oft/ gebuerde dat de voirs(creven) jan va(n) e(n)ige(n) p(er)sone(n) die vand(er) voirs(creven)/ thiende(n) jaerlijcx sculdich zijn te ghelden niet betaelt en/ conste gewerde(n) so sele(n) [sal] hij dat de voirs(creven) cap(it)len oft hue(re)n p(ro)cur(eur)/ moete(n) cundige(n) en(de) versueken dat zij hem dat hulpe(n) volghe(n)/ Dwelc zij also sculdich sele(n) zijn te doene ende oft zij des niet/ en dade(n) soe saelt de voirs(creven) jan selve moege(n) volge(n) ten coste d(er)/ voirs(creven) cap(it)len sond(er) argelist It(em) es vorwerde dat de voirs(creven) jan/ d(er) voirs(creven) cap(it)len gheve(n) en(de) leve(re)n sele(n) moete(n) int hof ald(aer) alle/ jare vijfhondert geluys witte m(er)sberge julii t(er)cia